خاني مع طوب الأرض.. هناء: "روحت السوق لقيته مقابلني بواحدة"
مشكلات لا تعد ولا تحصى بسبب تغير الزوج المفاجئ الذي لم تعرف سببه، وبعد فترة قليلة علمت السبب فكانت خيانته التي ظنت أنها مرة عابرة ولكنها تكررت أكثر من مرة وكانت نهاية قصتهما في محكمة الأسرة بعد 12 عامًا من الخيانات.
"مستحمله قرفه بقالي 12 سنة ومكنتش برضى أعمل مشاكل عشان أحافظ على البيت والعيال اللي ملهمش ذنب في أي حاجة بيني وبينه"، هكذا بدأت هناء قصتها مؤكدة على أنه في الخطوبة كان رجل لا يعرف معنى الخيانة، ولكنها لا تدري سبب التحول المفاجئ في شخصيته، تابعت: "عرفته في الشغل وكان معروف بأخلاقه وإنه مبيكلمش أي بنت ومحترم بجد، وأول الجواز كانت الدنيا تمام بس بعد كام شهر معاملته اتغيرت معايا وأنا لا ، مش عارفة ليه".
بيتحجج لي على كل حاجة وواقف لي على الواحدة
أضافت هناء: "بقا مش طايق لي كلمة وكل حاجة يتخانق معايا من غير سبب وبقى بيتحجج لي على أي حاجة بعملها، وكل ما أجي أكلمه يقول لي مفيش حاجة ودي طريقتي".
تابعت: "بعد فترة عرفت إنه بيخوني ولما واجهته حصلت مشكلة كبيرة وقالي آخر مرة، وكنت عايزة اتطلق بس أمي بتقول لي ارجعي لبيتك وعيالك ومتكبريش الموضوع، عديتها ورجعت وكنت فاكراها مرة وهتعدي بس لقيت الموضوع اتكرر كتير وهو كل مرة بيرجعني ومفيش حاجة بتتغير".
روحت السوق لقيته مع واحدة
تغاضت الزوجة عن خيانات الزوج الذي كان يعدها في كل مرة بأن الأمور ستتحسن وأنها المرة الأخيرة، ولكنها تكتشف خيانة جديدة في كل مرة، أضافت الزوجة: "كل مر كان بيقول لي اخر مرة وأنا كنت بصدقه وبقول عادي اعديها، بسر مفيش فايدة فيه كل شوية أقفشه بيخوني، حتى السوق لما روحته لقيته ماشي مع واحدة".
انهت قصتها قائلة: "خلاص جبت أخري معاه ومبقتش قابلاه خالص، سبت البيت وطلبت منه الطلاق قال لي أنا مش هطلق، روحت رفعت قضية طلاق بقالي 5 أشهر ولسه ماشية في الإجراءات".
تابع أحدث الأخبار عبر
