«يا الدفع يا الحبس».. منة لـ القاضي: "بابا مش راضي يصرف علينا وطلع عليه 18 ألف"
دعوى نفقة لجأ إليها الأولاد بعدما رفض الأب الإنفاق عليهم فكانت الأم متحملة مسئوليتهم بالكامل بعد إتمام الانفصال بين الزوجين دون طلب أي شيء من الأب، ولكن بعدما زادت المصروفات وأصبحت الزوجة غير قادرة على تحمل كل المصروفات طلبت منه المساعدة ولكنه رفض من باب العند مع الأم.
الأب يعند ويرفض الإنفاق على أولاده والام تمنع الأولاد عن والدهم، في النهاية الأولاد هم الذين يدفعون ثمن العند بين الاب والأم، روت منة سبب مجيئها لمحكمة الزنانيري وقالت: "حصلت مشاكل بين بابا وماما واطلقوا بقالهم 8 سنين ومن ساعة ما اطلقوا وماما هي اللي متولية كل مصاريفنا من الألف للياء وكنت لما بقولها اطلبي منه فلوس تقول لي أنا الحمد لله معايا مش محتاجة".
ماما اللي بتصرف علينا من ساعة الانفصال
ازدادت المصروفات على الأم كلما ازدادوا الأولاد في العمر فكرت الام في طلب مصروفات من الاب ولكنها نزعت الفكرة لأنها تعلم أنه يرفض بسبب أنها منعت منه رؤية أولادها بحجة انها كانت المسئولة عنهم بالكامل من أول الانفصال، تابعت منه: "ماما من اول ما اطلقت اخدت الموضوع عند عشان متخليهوش ليه علاقة بينا وكدا كدا هي اللي كانت بتصرف علينا من شغلها من غير ما تاخد منه مليم بس المصاريف زادت بالذات بعد ما دخلنا الجامعة وماما بقت تستلف عشان تعرف تكفي المصاريف".
أضافت: "كلمنا باب وطلبنا منه فلوس وقلنا له إن المصاريف كتير أوي عليها وهي مش عارفة تصرف علينا زي الأول، قال لي أنا مليش دعوة بيكوا مش هي مانعاكوا عني من أول ما انفصلنا وقالت لي أنا اللي هصرف على العيال ومش عايزة حاجة منك".
دعوى نفقة
أصر الأب على عدم الإنفاق على الأولاد ما دفعهم يلجؤون للمحكمة ورفع دعوى نفقة بالفترة التي رفض فيها عدم الإنفاق، استكملت منة رواياتها: "كلمنا بابا كتير على موضوع المصاريف كل مرة كان بيرضى ولم لقينا إنه مش راضي خالص يدينا أي فلوس، قولنا لماما ارفعي قضية نفقة موافقتش وقالت نكلمه تاني على المصاريف، بس لقينا مفيش فايدة وروحنا أنا وأخويا نرفع دعوى تجميد نفقة وطلع عليه 18 ألف جنيه ومستنين بقى يجيب الفلوس اللي عليه".
تابع أحدث الأخبار عبر
