10 سنين حارمني من أهلي.. حنان بدعوى نفقة: «طلقني عشان زرت أخويا»
زيارة كانت السبب في طلاق حنان وخراب بيتها، الزوج يرفض زيارة الزوجة لأهلها أي كانت الأسباب ومنعها عنهم فكان هذا هو السبب الرئيسي في الخلافات بينهما من بداية الزواج تقريبًا، ولكن لم تتحمل الزوجة هذه المعاملة وقررت زيارة أهلها بدون معرفة الزوج فكان طلاقها هو رد الفعل الذي أصدره الزوج.
دعوى نفقة لجأت إليها حنان بسبب رفض طليقها الإنفاق على أولاده ، وأكدت الزوجة انها كانت لا تريد اللجوء للمحاكم ، ولكن عند الزوج أجبرها على اللجوء للقضاء وأخذ حقها بالقانون، بدأت الزوجة رواياتها: "من أول الجواز وهو كويس معايا ومفيش أي مشاكل وهو كويس جدًا بس مشكلته إنه بعد فترة من الجواز وهو رافض إني أروح لأهلي وعايزني اقطع علاقتي بيهم".
حارمني من أهلي بقالي 10 سنين
أضافت حنان: "في الأول حصل مشاكل كتير بسبب إصراره على الموضوع ده ولما أهلي عرفوا قالوا لي بلاش تخربي بيتك وعيشي عادي وهنبقى نطمن عليكي واحنا هنحل الموضوع".
حاولت الزوجة التأقلم مع فكرة انه لا يوجد تواصل بينها وبين أهلها ولكن كل فترة كانت تحاوط الخلافات وتتصاعد الأمور بسبب رغبتها في رؤية أهلها، استكملت الزوجة: "بقالي عشر سنين بحاول معاه إن يبقى في علاقة بيني وبين أهلي بس هو مصمم على قراره، لحد ما في يوم جبت أخري وأهلي كلموني وقالوا لي أوخوكي تعبان جامد وفي المستشفى، رحت له من غير ما أقوله وأنا عارفة إن هيحصل مشكلة، بس مكنتش فاكرة إن الموضوع هيكبر أوي كدا"
طلقني عشان زرت أخويا
تابعت حنان: "كلمني أول لما رجع من الشغل وقال لي انتي فين قلت له أنا عند أخويا في المستشفى، اتخانق معيا وقال لي ارجعي البيت دلوقتي قلت لا مش راجعة قال لي طب انتي طالق"، لم تتخيل أن الموضوع يوصل للطلاق ولكنها لم تجد أي حل في يديها، وأخذت الأولاد وذهبت عن أهلها وطلبت الزوجة مصروفات الأولاد ولكنه رفض وعندما قررت طلبها للمصروفات بدأت المشكلات تتصاعد بينهما واختارت الزوجة طريق القضاء لتأخذ حقها.
تابع أحدث الأخبار عبر
