22 سنة حب ضاعت.. عايدة لقاضي الأسرة: « صفالي عيني وعماني بعد ما استحملت خياناته الكتيرة»
حلمت عايدة بحياة سعيدة في عش الزوجية التي اختارت أن يكون هذا الرجل هو شريكها فيه وكلها امل أنه لا يمتلئ إلا بالتفاهم والحب ، ولكن أحلامها أصبحت رماد بعد الزواج مباشرةً بسبب اكتشافها لحقيقة الشخص الذي تعيش معه ، وأن الخيانة والكذب هما حياته الذي لا يعيش بدونهما طوال الـ 22 عام من الزواج.
فاض الكيل بها وأقدمت عايدة نحو محكمة الاسرة وهي لا تفكر في شيء سوى أنها تريد أن تتخلص منه ومن حياته التي دامت طوال هذه السنوات.
"متجوزاه بقالي 22 سنة وطول السنين دي وهو مقضيها خيانة ، وكدب علي لحد ما جبت أخري، عديت مرة واتنين وتلاتة ، وهو كل مرة يقول لي خلاص هتغير بس مفيش فايدة فيه"، بهذه العبارات بدأت عايدة حديثها في قصتها المأسوية مع زوجها التي دامت لسنوات طويلة.
كان راجل مفيش زيه وبعد الجواز كل شوية اقفشه مع واحد
استرجعت بداية معرفتها بزوجها بداية قصة حبهم وقالت: "عرفته من الشغل حبينا بعض وكان باين إنه كويس جدًا عشان كدا اتخطبنا وقعدنا سنة ونص في الخطوبة ، واتجوزنا وكنت راسمة حياة لينا احنا الاثنين بس اتفاجأت بحاجة تانية خالص"، أضافت: "أول ما اتجوزنا كنت فاكره هنعيش أحلى حياة بس من أول سنة ، وهو بيخوني وكل شوية اقفشه مع واحدة، وكل مرة يقول لي خلاص أخر مرة أنا مش هعمل كدا تاني واعدي الموضوع عشان خلفت العيل والتاني والتالت".
تغاضت الزوجة كثيرًا عن خياناته التي لا تعد ولا تحصى طوال سنوات الزواج بسبب حبها له التي كان يجعلها تتحمل كل خيانته بالإضافة إلى أنه كان لا ينفق عليها هي والأولاد ورغم ذلك تحملت من أجل حبها ، أكملت عايدة حديثها والدموع تعتريها: "كنا كل شوية نتخانق بسبب خياناته الكثيرة وكنت بستحمل عشان للأسف بحبه حتى لما كان بيضربني، ضربه كان غبي أوي وكنت كل مرة بفلت من تحت أيده بالعافية ، ده غير أنه كان مبيصرفش علينا وبيصرف كل فلوسه على الستات وبس".
صفالي عيني ومبقتش اشوف بيها خالص
أضافت: "أخر مرة كنا قاعدين في الشقة ، واتخنقنا خناقة كبيرة ومسكني قعد يضرب فيا بيده في عيني لحد ما عيني اتصفت ، ورحت للدكتور قالي دي قطع في الشبكية ، وعملت عمليات كتير ومفيش ولا عملية نجحت".
اختتمت عايدة قصتها بهذه الكلمات: "استحملت قرفه بقالي 22 سنة عشان البيت والعيال وعشان بحبه، بس خلاص هاخد منه حق عيي اللي اتصفت ومبقتش اشوف بيها وهاخد برضوا حق عيالي ومستنية اخد النفقة وتمكين الشقة وبعدين هخلعه".
توجهت الزوجة لمحكمة الأسرة ورفع ثلاث دعوات "نفقة ، تمكين، قائمة" لتأخذ حقها ولاتزال الدعوات منظورة في المحكمة حتى الآن.
تابع أحدث الأخبار عبر
