«مدمن أفلام إباحية».. أم فاطمة في دعوى نفقة: "بنتي متجوزه ابن أمه ومبيسمعش غيرها"
الزواج عندما يتم لا يكون بين شخصين فقط ولكنه يتم بين عائلتين يجتمعوا سويا حتى يزوجوا أولادهم الذي تعبوا في تربيتهم والآن يريدوا أن يروهم سعداء، واجب الأهالي في الزواج أن يكونوا صوت الحكمة والملجأ الذي يلجأ له الأبناء عند حدوث مشاكل ليأخذوا بنصيحتهم.
في قضية «أم فاطمة» الحماه كانت سبب خراب بيت ابنها وحرمان حفيدها من أن يحصل على حياة طبيعية مع أمه وأبيه فبسبب مشاكلها الكثيرة مع «فاطمة» وإصراها على طردها من البيت بعد ولادتها، لمدة شهرين لم يرى الزوج ابنه او زوجته ولم يسأل حتى على حالهم وكيف يعيشوا.
«أم فاطمة»:من لما جوز بنتي أتقدم كنت حاسه إنه مش مناسب
قالت «أم فاطمة»: جوز بنتي اتقدملها عن طريق واحدة صاحبتها وقالتلها إنه كويس ومن أسوان زيك، وقابلناه كان كويس وميبنش عليه إنه معندوش شخصية وهيغدر ببنتي ويرميها كدة، من أول لما أتقدم كنت حاسه إنه مش مناسب بس قلت النصيب وربنا هيهديه ليها ودعتلها ربنا يهدلها الحال.
تابعت الأم: بنتي بقالها سنة بس متجوزة وكانت حامل وولدت وهي راجعة بيتها حماتها عملت معاها مشكلة حلفت عليها متدخلش البيت التاني ولحد دلوقتي بنتي بقالها شهرين مدخلتش بيتها.
«أم فاطمة»: بنتي مكنتش بتشتكي عشان متخربش بيتها
تحدثت الأم عن أفعال الحماة التي دمرت حياة ابنتها: حماتها من أول الجواز وهي مشاكلها معاها كتير كانت بتغلط في بنتي وتبهدلها ومش عايزاها ترد وبنتي كانت بتستحمل وتسكت، كانت بتتدخل في كل حاجة في حياتهم كانت بتتصنت عليهم وعلى خناقتهم.
بالرغم من مشاكل زوج فاطمة وأمه معها لكنها تحملت وعاشت حتى لاتخرب بيتها لكن لم يقدر أي أحد هذه التضحيات بل زادوا في الافتراء على فاطمة.
أضافت أم فاطمة وهي تبكي على الحال الذي وصلت له إبنتها: "جوزها ابن أمه وبيسمع كلامها في كل حاجة بقاله شهرين مشفش ابنه من وهو عنده أسبوع، بسبب أمه اللي قالت متشفهمش ولاتصرف عليهم، بنتي كانت عايشة معاه ومستحملاه كان بيضربها وهي مبتشتكيش عشان متعملش مشكلة وكانت مستحملة إنه يضربها لما تقوله يبطل يشوف الأفلام الحرام اللي بيشوفها وكان مدمن عليها وهي كانت بتصلي وتعرف ربنا وهو ميعرفش ربنا.
أنهت كلامها وهي تمسح دموعها وقالت:"مبيصرفش عليها ولا على ابنها ومسالش عليها من ساعة ما مشيت وسابت البيت ، وعايشة معايا وأنا اللي بصرف عليها بس أنا عايشة على المعاش على قدي، حاولنا نصلح بينهم لكن مفيش فايدة هو وأمه مش عايزين الصلح لحد ما حد من أهله قلنا ده مش هيحل حاجة مشوها قانوني، ودلوقتي رافعة دعوى نفقة وتمكين عشان تعرف تجيب حقها".
تابع أحدث الأخبار عبر
