يا الدفع يا الحبس.. أحمد: جايبة شهود زور وعلى نفقة 28 ألف جنيه
زواج عن قصة حب نشب منذ 15 سنة بين أحمد وياسمين حين كانا شابان في مقتبل العمر، ظل عش الزوجية ينعم بالاستقرار طوال 13 عاما وفجأة وبدون أي مقدمات قررت الزوجة ترك المنزل ورفع دعوى نفقة عليه، حاول الزوج تهدئة الأوضاع ولم شمل منزل الزوجية من أجل ابنته ولكن لم يستمر الاستقرار سوى شهور قليلة وعادت الزوجة لافتعال المشكلات مرة أخرى ورفع دعوى نفقة مرة أخرى.
زوج ينفق بما يرضي الله على زوجته وأولاده حتى وهي في بيت أهلها يرسل لها مصروفها الشهري هي والبنت، حتى عندما رفعت عليه قضية نفقة بدأ الزوج يرسل لها المبلغ الذي حددته المحكمة ولكنها رأت أنه مبلغ قليل وأرادت مصروف أكبر ما دفعها ترفع قضية أخرى بعد ما فشل الاستئناف بزيادة المبلغ.
استهل الزوج حديثه قائلاً: "متجوزين عن قصة حب كبيرة من واحنا في الجامعة وكنا متفاهمين وحياتنا زي الفل وبقالنا 13 سنة والدنيا تمام بينا في الجواز، أي مشاكل كنا بنعديها عشان الدنيا تبقى تمام".
بصرف عليها هي والبنت ورايحة تفتري علي
تابع: "فجأة لقيتها رفعت علي قضية نفقة وأنا مش فاهم ليه مع إن بصرف عليها كويس هي والبنت، وحتى لما بتكون عند أهلها ببعتلها مصروفها الشهري، ولما عرفت بالقضية والمحكمة حكمت 1200 ليها و 500 للبنت كنت بديها برضوا ومعنديش مانع".
أكمل أحمد حديثه: "صلحت الدنيا ورجعنا عادي ورجعت البيت يدوب كام شهر ولقتها عملت استئناف بزيادة المبلغ واترفض عشان كدا رفعت قضية نفقة لتاني مرة، وعمالة تقول إن مبدهاش فلوس ومش راضي أصرف عليها هي وبنتي".
تعجب الزوج من إصرار الزوجة على افتعال المشكلات بينهما رغم أنه رجل صالح ينفق على زوجته وبنته الوحيدة ولكن لا يفهم وجهة نظر الزوجة وإصرارها على رفع قضية النفقة رغم أنه ينفق كل مرتبه الشهري عليها هي وبنته.
عليا 28 ألف جنيه مجمد
تابع أحمد: "مطلعة علي سمعة إني مبصرفش عليها هي والبت وحاولت أرجعها كتير وأقولها نصلح الدنيا ونرجع تاني بس هي مش راضية مش فاهمة ليه، والقضية التانية دي لقيت علي 28 ألف جنيه مجمد وأنا ربنا يعلم كنت صارف كل فلوسي عليهم وكمان جايبة شهود زور يقولوا إني مبصرفش فعلًا".
أنهى الزوج قصته: "لما لقيتها مصمم على القواضي سبتها وخليها بقى ترفع قضي طلاق عشان أنا مش هطلقها وهخليها تدوخ على المحاكم زي ما هي مدوخاني كدا"، تحمل الدعوى رقم 290 لسنة 2023 ولا تزال الدعوى منظورة حتى الآن.
تابع أحدث الأخبار عبر
