بيحشش في عزا ابنه.. نوال: موت عيالي الاتنين وعايز يحرمني من التالتة
حشيش ومخدرات سكنت المنزل من السنة الثانية من الزواج وحولت حياة الزوجين لوكر من المشكلات الزوجية المستمرة بينهما حتى وصل الأمر أن المخدرات كانت السبب في وفاة أبناءه الإثنين، وبعد موت ولديه اتهم زوجته أنها السبب في وفاتهما مع العلم أن سبب وفاتهما المخدرات التي يجلبها المنزل.
حسرة وألم عاشتها نوال على أولادها الاثنين بسبب مزاج زوجها الذي كان الأهم بالنسبة له عن أولاد وكان السبب في وفاتهما بعد مرضهما بالتهاب رئوي، لجأت الزوجة لرفع دعوى خلع بعد 6 سنوات من المعاناة التي عاشتها مع وكان أولادها هم ثمن إدمانه.
راح في سكة اللي يروح ميرجعش
استهلت نوال قصتها قائلة: "المشاكل بدأت من تاني سنة جواز بعد ما عرفت إنه بيحشش، وكنت بقول مش مهم الحشيش مبيعملش حاجة بس لقيته بقا بيشرب آيس ومن ساعتها وحياتنا اتبدلت وبقى واحد تاني خالص وبقت المخدرات كل حياته ومبيفكرش حتى في عياله".
تابعت: "مرة والتانية والموضوع زاد وبقى يجيب المخدرات والقرف اللي بيشربه دا في البيت وأنا عيالي صغيرين والشقة ضيقة وبنبقى هنموت من الريحة ولو قلت له اخرج اشرب برا يقول لي أنا حر".
موت عياله بسبب القرف اللي بيشربه دا
ظل الزوج على حاله ولا يهتم لأمر أولاده وزاد في إدمانه ولكن المشكلة هنا كانت بالنسبة للأولاد بحكم أنهم صغار ورائحة الدخان سببت لهم مشكلات صحية كثيرة منها الالتهاب الرئوي، أضافت الزوجة: "بقى بيشرب مخدرات ليل ونهار في الشقة وكل ما أقوله العيال يقول لي ما هما كويسين أهو، فجأة لقيت ابني اللي عنده 4 شهور تعب جامد ورحت عند الدكتور وقال لي عنده التهاب رئوي ومات وهو في المستشفى".
تابعت نوال: "كنت فاكراه هيتعظ هيبطل شرب عشان خاطر عياله أو على الأقل يبطل شرب في البيت عشان العيال اللي ملهاش ذنب دي، بس بالعكس بقى بيزيد ولا كأن في حاجة حصلت عادي وكمل في شربه عادي".
بيحشش في عزا ابنه
أكملت حديثها: "لسة مكمل شرب في البيت طول الوقت والريحة هتبقى مموتانا وابني التاني تعب اللي عنده 4 سنين ومات برضو بسبب القرف اللي مالي الشقة،ويوم العزا كان عادي ولا كأن في أي حاجة حصلت وقاعد يحشش في البلكونة".
أضافت: "تالت يوم العزا جه قال لي انتي السب في موت العيال، وطردني من البيت ومخدتش عزا ابني حتى، مشيت مع أمي بس كانت بنتي التالتة هناك معاه ومن ساعة ما مشيت ومش راضي يدهالي وبييقولي مش هتشوفيها تاني".
انهت نوال قصتها بهذه الكلمات: "حرق قلبي على عيالي الاتنين وعايز يحرمني من بنتي التالتة، حسبي الله ونعم الوكيل فيه.
