فتحية بدعوى وصاية: أهل المرحوم عايزين ياخدوا ولادي بالعافية عشان الورث
مشكلات وخلافات بدأت بين “فتحية” وبين أهل طليقها منذ وفاته بسبب رغبة عم الأولاد في أخذ الأولاد من الزوجة عنوة من أجل الورث، فزادت المشادات والخلافات بعد ما علموا بدعوى الوصاية التي رفعتها عليهم الزوجة وبدأ عم الأولاد يهددها بأنها لا تراهم إذا أكملت إجراءاتها في القضية.
صراعات بدأت بعدما ظنت الزوجة أن حياتها استقرت بعد طلاقها من زوجها الأول وزواجها من أخر ولكن انقلبت حياتها بعد وفاة طليقها بسبب رغبة أهله في أخذ الأطفال عنوة من الأم، تابعت: اتطلقت من جوزي الأولاني بسبب خلافات مع اخواته، وبسبب سلفتي اللي اتخانقت معها في يوم واخو جوزي قرر إن أنا مش راجعة البيت تاني وحصلت مشكلة كبيرة وأهلي صمموا إن أنا اتطلق.
كنت فاكراني خلصت من العيلة اللي كلها مشاكل دي
أضافت فتحية: "هو كان شخص كويس ومكنش عندي معاه مشاكل خالص واتطلقنا في هدوء وأنا اتجوزت حد تاني والدنيا كانت ماشية تمام بس بعد 4 سنين من الطلاق طليقي توفى".
نعمت "فتحية" بحياة هادئة بعد الطلاق وتزوجت من رجل أخر ولكن لن يستمر هذا الهدوء طويلًا منذ وفاة طليقها، فبدأت المشكلات بينها وبين أهل الزوج بسبب إصرارهم على أخذ الأطفال من الأم، وعندما رفضت وكررت رفع دعوى وصايا من أجل ضمان حقها في بقاء الأطفال معها.
أهل طليقي عايزين ياخدوا العيال مني عشان الورث
أضافت فتحية: "كنت عايشة في هدوء مع جوزي التاني وكل حاجة ماشية تمام بس من ساعة ما طليقي توفى وأهله مش سايبني في حالي وبيفكروا ياخدوا العيال مني عشان الورث اللي ليهم من أبوهم، ولما جيت اتكلم معاهموأقولهم أنا هرفع دعوى وصاية قالوا لي مترفعيش حاجة عشان مناخدش منك العيال".
تابعت: "خفت منهم وخفت على العيال ورحت رفعت قضية وصايا وكنت خايفة إنه مينفعش ارفعها عشان أنا متجوزة بس المحامي قال لي عادي ينفع، رحت رفعت دعوى وصايا بقالي 5 شهور ولسه مكملة في الإجراءات".
انهت فتحية حديثها: "أول لما عم العيال عرف إني رفعت القضية كلمني وهددني وعايزني اتنازل عن لقضية بس أنا قلت لا مش هتنازل عشان أخلي العيال معاي" ولا تزال القضية منظورة في المحكمة حتى الآن.
تابع أحدث الأخبار عبر
