هاجر في دعوى خلع :« جوزي طلع مدمن بودرة »
هاجر فتاه ظلمتها الحياة ودمرتها الظروف، هربت من زوج أمها المتحرش على أمل أن تعيش حياة طبيعية في بيت زوجها لم تكن تعلم أنها خرجت من معاناة لتدخل معاناة أكبر ، ولم تكن تعلم أنه سينتهي بها الحال في سن الـ 29 أمام محكمة الاسرة لترفع قضيتين خلع ونفقة ضد زوجها.
البداية كانت في سن ال 18 عندما تقدم رجل لخطبة هاجر وكان عمره 35 عاما أي أنه كان أكبر منها بـ 17 عاما ، في أي حالة طبيعية سترفض الفتاة العريس بسبب فرق السن الكبير لكن في حالة هاجر كان العريس فرصة لهاجر لتهرب من حياتها في بيت أمها ، وتعذيب زوج أمها لها، منذ أن تزوجت والده هاجر وزوج والدتها حول حياة هاجر لجحيم من تعذيب وضرب حتى التحرش ، وعندما اعترض بعض أقاربها على العريس لم تعرف هاجر كيف تبرر لأهلها أنها فقط تريد أن تتزوج لتهرب جحيم زوج أمها.
هروب هاجر من جحيم زوج أمها لسجن زوجها
قالت هاجر عن حياتها المؤلمة مع زوجها:" المشاكل معاه بدأت من تاني يوم جواز لما ظلمني في شرفي لكن كان في اثبات إني بنت ، بعد فرحي بتلت أيام قفل عليا وحبسني وكنت تعبانة كلمت أخويا يلحقني وجه كسر عليا باب الشقة ، وخرجني وحصلت مشكلة كبيرة بين زوجي وأهلي وكنت هطلق بس لأني كنت لسه متجوزة الناس قالتلي هتطلقي بعد يومين جواز وتفضحينا ، ومن ساعتها وأنا عايشه ومستحملة الخناق والضرب ، والإهانة بسبب ومن غير سبب، جبت منه 3 أطفال كنت عايشه معاه ومستحملاه عشانهم وبقاله سنه ونص رامينا و مبيسألش علينا وانا اللي بصرف على ولادي".
بنتي كانت هتموت بسبب زوجي مدمن البودرة
أضافت هاجر :" جوزي كان بيشرب مخدرات وأنا معرفش، في يوم بنتي لقت كيس البودرة بتاع أبوها وزي أي طفلة مكنتش فاهمة ايه ده، لكن من ستر ربنا بنتي رمت البودرة ومحصلهاش حاجة، لما قلتله مخفتش على بنتك يحصلها حاجة ونتحبس أحنا الاتنين قالي الحاجة دي مش بتاعتي، لما شفته بيشم بودرة بعدين قالي دي حبوب منع الحمل وباخدها عشان أسهر وأنا لأني جاهلة ومش متعلمة صدقته".
لحقت أختي في أخر لحظة من زوجي المدمن
تابعت هاجر والدموع في عينيها متذكرة أزمتها مع زوجها:" أخر حاجة حصلت خلتني أمشي ومرجعش تاني، أنا ليا اخت عندها 19 سنة وعندها كهربا زيادة على المخ كلمتني وأنا مسافرة مع أمي كان عندي حالة وفاه وقالتلي جوزك كلمني وقالي تعالي نفطر سوى لوحدنا وهجبلك كل الأكل اللي إنتي عايزاه خفت على أختي وقلتلها إوعي تروحي ده مدمن مخدرات وهيعمل معاكي حاجة يدمر حياتك ولحقت اختي وخلتها ، جوزي لما معرفش يطول اختي كلمني شتمني وحلف عليا أهلي ميدخلوش البيت تاني ، فهمت ساعتها أنه بيعمل كدة معايا عشان معرفش يطول اختي واجهته شتمني وساعتها قررت إني مش هرجعله تاني ورمى عليا اليمين في التليفون".
تابع أحدث الأخبار عبر
