ولاء أمام محكمة الأسرة: "متجوزاه بقالي 5 سنين ومشوفتوش غير شهور"
زوجة ثانية هذا كان حال "ولاء" التي رضيت بنصيبها، بحكم أنها ليست التجربة الأولى، وخوفًا أن تعيش بقية حياتها تحمل لقب مطلقة دون أن تنال شرف الزواج مرة أخرى، فكانت تتوسم فيه العوض الذي تحلم به ولكن للأسف لم تكتمل فرحتها سوى 5 شهور فقط.
ولاء أمام محكمة الأسرة: "متجوزاه بقالي 5 سنين ومشوفتوش غير شهور"
أكدت الزوجة على أن الخمس أشهر الذي عاشتها مع زوجها في عش الزوجية كانوا الشهور الأجمل في حياتها بسبب معاملته لها الذي تحلم أي امرأة أن تتزوج برجل مثله، مضيفة: "أنا كنت متجوزة قبل كدا بس محصلش نصيب وبينا واتطلقت بس مكنتش مخلفة، قعدت فترة وجالي عريس بس كان متجوز ومخلف، أهلي قالوا لي عادي مش مهم انتي مش ضامنة يجيلك حد تاني ولا لا".
أكملت ولاء: "رضيت بيه واتجوز وبصراحة كان كويس معايا في الخطوبة وحتى بعد ما اتجوزنا كان برضو بيراعي ربنا فيا بس الكلام دا مكملش غير 5 شهور بس ومن بعد الخمس شهور دول وكل حاجة اتغيرت خالص".
خمس شهور سعادة وخمس سنين تعاسة
فرحت الزوجة بزوجها الذي عثرت على كل الصفات التي تحمل بها معه، ولكن لم تكتمل فرحتها وفاجأ باختفائه المفاجئ في الشهر الخامس من الزواج بعد ما علمت زوجته الأولى بالزواج، مضيفة: "كان معرفنا أنا وأهلي إنه معرف مرات الأولى بالجواز وكان قايل لي إنها موافقة على الجوازة، وكلنا عارفين إنها عارفة بس معرفش إيه اللي حصل".
أكملت ولاء حديثها: "كنا في يوم خارجين وكل حاجة تمام ومبسوطين ومفيش أي حاجة وفجأة واحنا مروحين لقيته بيقول لي هروحك وبعدين هروح مشوار كدا قلت له ماشي تمام وراح واتأخر جامد وكلمته عشان أعرف هو فين موبايله مقفول".
سايبني بقاله خمس سنين عشان مراته عايزة كدا
تابعت: "كلمته مرة واتنين وموبايله مقفول، استني تلتاني يوم برضو مفيش مفيش فايدة وفضلت على الحال دا شهر واتنين وتلاتة، وخلفت كمان وهو برضو مش عارفة أوصله مرة واحدة فتح تليفونه وكلم أخويا وجه شاف ابنه بس في المستشفى مرة واحدة واختفى تاني".
أنهت حديثها: "بقالي خمس سنين معرفش عنه حاجة، أخويا وصله كذا مرة عشان يطلق ويبعت فلوس لابنه بس هو مش راضي، ولما أنا كلمته مرة عشن أفهم هو ليه عمل كدا قالي مراتي الأولى هي اللي عايزة كدا"، اضطرت الزوجة للجوء لمحكمة الأسرة ورفع دعوى نفقة من أجل أخذ حقها من والده الذي لا يعرف شكله لحد الآن.
تابع أحدث الأخبار عبر
