أحمد في دعوى ضم حضانة: بتحرق ولادي بالنار وعذبتهم عشان قالولي
عادة المشهد السائد في محاكم الأسرة أن تكون الغلبة فيه للنساء باعتبارهن الضحية الأضعف في الحياة الزوجة وغالبا ما تطلب الطلاق والخلع والنفقة والتمكين، أحمد زوج في عنفوان شبابه لفت الأنظار في محكمة الأسرة بالجيزة مطالبا بضم حضانة أطفاله بعد اكتشافه تعرض أطفاله للتعذيب والحرق على يد طليقته.
بدأ أحمد قصته والحسرة تملأ وجه بسبب العذاب الذي يتعرضون له أولاده بلا رحمة، وتابع: «واحنا متجوزين كانت عنيفة معاهم وعلى طول بتضربهم على أي حاجة بيعملوها وأنا كنت دايمًا أقولها مينفعش تعامليهم بالطريقة دي عشان ميتعقدوش بس برضو مكنتش بتبطل ضرب فيهم».
أضاف: «حصلت بينا مشاكل كتير لحد ما اتطلقنا بعد 10 سنين جواز، وبعد الطلاق هما طبعًا معاها وأنا بشوفهم كل أسبوع مرة، بدأوا العيال كل ما يشوفني يقولوا لي ماما بتضربنا، كنت بقول يمنكن هما مبيسمعوش كلامها وبيعملوا حاجة غلط مثلًا».
شكوة الأولاد بسبب ضرب والدتهم لهم
لم يشك أحمد أن طليقته تأذي أولادها لأنه مهما كان فهي أمهم ومن الصعب على الأم أن تتعامل مع أولادها بقسوة، ولكن بدأ الأولاد يشتكون له من والدتهم ومن معاملتها معهم بسبب قسوتها وضربها المبرح لهم، في البداية ظن أنه ضرب عادي وأن الأولاد هم المخطئون ولكن لاحظ أحمد أثار ضرب على جسد أولاده ما جعله يسرع لرفع دعوى ضم حضانة ويأخذ أولاده من والدتهم التي لا تعرف شيء عن الأمومة.
أكمل أحمد حديثه: "مصدقتش العيال في الأول لأن مجاش في بالي أنها ممكن تأذيهم لأنها أمهم، بس لقيت العيال كل مرة بيجوا يشتكوا لي منها وأنها بتضربهم على أي حاجة بيعملوها، بس لما لقيتهم كل مرة بيشتكوا قلت أكيد في حاجة غلط".
دعوى ضم حضانة لجأ إليها الزوج بد ما أكتشف حرق طليقته لأولاده
أضاف الأب: "كلمت أمهم عشان اعرف هي بتعملهم إيه وقالت لي انت ملكش دعوة بعيالي أنا مبعملش فيهم حاجة وأنا أكيد هخاف عليهم أكتر منك، المرة اللي بعدها لما العيال زاروني قالوا لي ماما حرقتنا بالمعلقة عشان جينا قولنالك إنها بتضربنا، وفعلًا لقيت على جسمهم أثار الحرق".
تابع: "مقدرتش استحمل أشوف عيالي بيتعذبوا كدا وأنا موجود، رحت رفعت دعوى ضم حضانة عشان أخد العيال بدل العذاب اللي هما شايفنه معاها".. ولا تزال القضية منظورة في المحكمة حتى الآن.
تابع أحدث الأخبار عبر
