عزة في دعوى طلاق: "20 سنة من عمري ضاعت معاه شتيمة وقلة أدب"
جلست عزة على أعتاب محكمة الأسرة، شاردة في عمرها الضائع بعد 20 عامًا من الإهانة والضرب المستمر لها طوال سنوات الزواج، صبرت كثيرًا من أجل أولادها ولكن في نهاية المطاف لم تستحمل أن أولادها الكبار يشاهدون إهانة والدتهم ما جعلها تلجأ لمحكمة الأسرة وترفع دعوى طلاق.
عزة في دعوى طلاق: "20 سنة من عمري ضاعت معاه عشان أراضي أهلى"
"عمري ضاع معاه" هذه الكلمات الأولى التي بدأت بها عزة حديثها، مؤكدة على معاناتها طوال سنوات الزواج بسبب إهماله وإهانتها المستمرة لها لسنوات طويلة، مضيفة: "لما اتقدم لي عشان يخطبني مكنتش موافقة في الأول، أهلي قالوا لي اقعدي معاه واتكلموا يمكن ترتاحوا بس أنا برضو مروحتش وقولت لهم إني مش موافقة عليه قالولي هتتجوزيه غصب عنك".
تابعت: "اتخطبنا فترة صغيرة جدًا حتى ملحقتش أعرفه كويس، عشان كدا لما اتجوزنا اتصدمت فيه ولقيت معاملة مش محترمة خالص منه من أول شهر في الجواز، على طول شتيمة وقلة أدب وبقينا نتخانق كتير بسبب أسلوبه اللي زي الزفت".
رفض الأهل فكرة الانفصال
وعلى الرغم من معاملته الغير الآدمية لها إلا أن فكرة الانفصال غير مطروحة لدى أهلها، اعترضوا على طباق ابنتهم رغم كل الإهانات التي تعرضت لها ما دفع الزوجة للذهاب لمحكمة الأسرة ورفع دعوى طلاق لتحيا بحياة آدمية، تابعت: "طلبت من أهلي اني اطلق بس رفضوا وانت مبقتش قادرة استحمل عشان بقينا نتخانق كتير بسبب أسلوبه وكل ما أروح عند أهلي يقولوا لي معلش وعيشي وكل الستات بتتشتم وتتضرب، وكل مرة ارجع واسكت عشان عيالي".
أكملت عزة حديثها: "كنت فاكره إنه هيتغير مع السنين بس كل ما الوقت بيعدي والعيال بتكبر إهانته ليا بتزيد والعيال بقوا زعلانين عليا وهما شايفيني كبرت في السن كدا وهو لسة مش محترمني، وبقا يضربني ويشتمني قدامهم، مقدرتش استحمل عيالي وهما كبار كدا يشوفوني وانا بتهان قدامهم".
قرار حتمي بالطلاق
طلبت الزوجة من الأهل أنها تريد الطلاق عن زوجها ولكنهم رفضوا الفكرة وعارضوها ولكنها قررت أن تنهي حياتها التعيسة بعد 20 سنة من إهانتها المستمرة أمام أولادها ولجأت لمحكمة الأسرة لرفع دعوى طلاق منذ 6 أشهر ولا تزال القضية منظورة في المحكمة حتى الآن.
تابع أحدث الأخبار عبر
