فاتحها على البحري.. سمر: مكنش يعرف طريق الستات ودلوقتي كل يوم مع واحدة
11 عاما من السعادة التي تحلم بها أي زوجة في عش الزوجية بسبب زوج متفاهم يرعى زوجته وأولاده بكل حب ورضاء، فجأة وبدون أي مقدمات تحول الزوج لشخص آخر في غمضة عين غير الذي عرفته الزوجة ما جعلها تشك في أمره وأنه على علم بأخرى، وعندما أصبحت الشكوك حقيقة واكتشفت خيانته لها لجأت لمحكمة الأسرة ورفع دعوى طلاق على زوجها.
11 عاما من السعادة التي تحولت لتعاسة
«بقى واحد تاني غير اللي أعرفه» هذه هي العبارة الأولى لسمر وهي تروي قصتها التي تحولت في غمضة عين مضيفة أن زوجها منذ بداية الزواج وهو زوج مثالي ولكن تبدل الحال بعد 11 عاما من السعادة التي ظنت الزوجة أنها تستمر للأبد، أضافت: «هو كان جارنا وحبينا بعض واتخطبنا عن قصة حب كبيرة وطول فترة الخطوبة كان بيعاملني أحسن معاملة ولما اتجوزنا برضو كان مخليني مش عايزة حاجة».
تابعت: «خلفت ابني الكبير وكان مصاحبه وبيعمله معاملة كل اللي بيشوفه يقوله يا بخت ابنك ولما خلفت ابني التاني وبنتي التالتة كان بيحبهم أوي وكنا عايشين مبسوطين وكل حاجة تمام».
الشكوك تراود الزوجة
تحول الزوج لشخص أخر لا يريد الجلوس مع أولاده ولا زوجته ما جعل الزوجة تشك أنه على علم بأخرى ولكنها كانت تكذب نفسها بسبب حبهما الكبير ولكن عندما زاد الوضع عن حده بدأت الزوجة تبحث عن سبب التغير، تابعت: «مبقاش عايز يقعد معايا أنا والعيال وبقى كل لما حد بيكلمه يزعق له وأوقات بيوصل الموضوع إنه يضرب حد منهم، حتى أنا بقى يمد إيده علي أوقات كتيرة».
أكملت حديثها: «مبقتش مصدقة نفسي من معاملته اللي اتغيرت خالص دي ومبقاش طايق لي كلمة ليه، مسكت الموبايل من وراه عشان قلت أكيد سبب تغيره دا إنه يعرف ستات كتير ومسكت الموبايل».
الشكوك أصبحت حقيقة
أضافت: «فتحت الواتساب عنده ولقيت ستات كتير عنده قلت يمكن زمايله بس لما فتحت الشات بينهم لقيت الوضع مش زمالة خالص وبيتكلموا بأسلوب خارج، مصدقتش نفسي عشان مش هودا اللي أنا عرفته وحبيته، عمره ما كلم ولا ست علي من أول الجواز، ويوم ما يكلم بالاتنين والتلاتة مرة واحدة».
لجأت سمر في النهاية لمحكمة الأسرة بالجيزة ورفعت دعوى طلاق على زوجها منذ 9 شهور ولا تزال القضية منظورة في المحكمة حتى الآن.
تابع أحدث الأخبار عبر
