«اتمسكن واتمكن».. سحر: "عايش دور ملاك وهو بيخوني مع جارتنا"
دعوى خلع اضطرت إليها «سحر» بعد 15 عامًا من الخداع المستمر الذي بعيشه الزوج على زوجته في دور أنه الزوج الوفي المخلص لها، ولكن لم ينجح في استمرار تمثيله أكثر من ذلك وتم كشف كل شيء وخيانته مع جارتهما الذي دامت لفترة طويلة دون علم الزوجة، ما دفع الزوجة لرفع دعوى خلع زوجها على الفور لتتخلص من خداعه لها.
"بيخدعني بقاله 15 سنة" هذه العيارة الأولى الذي بدأت بها مدام سحر وهي تروي قصة خداعها من قبل زوجها الذي دامت لسنوات طويلة، مضيفة: "كان يتظاهر بالحب والإخلاص لها من أول الزواج وهذا جعلها لديها ثقة عمياء في زوجها طوال سنوات الزواج"، أكملت: "عشنا أحلى سنين من أول الجواز، هو كان بيحبني أوي وأنا كمان كنت بحبه وحبيته أكتر بسبب معاملته ليا اللي كلها حب وتفاهم، كان بيحصل بينا المشاكل العادية اللي بتحصل بين أي اتنين وهو بصراحة كان بيعدي كل حاجة عشان ميزعلنيش".
تابعت: "كان بيعاملني أنا والعيال أحسن معاملة أنا والعيال، كل حاجة كانت ماشية زي ما أنا كنت بحلم بس فجأة كل دا اتغير من ساعة ما عرفت الحقيقة المرة وخدت صدمة عمري".
صدمة العمر
كانت الزوجة في كامل سعادتها طوال سنوات الزواج بسبب زوجها الذي كان يملأ عش الزوجية سعادة وحب، لكن تحولت حياتها من سعادة غامرة لتعاسة بعد أن اخذت صدمة العمر في زوجها، أضافت: "في يوم بعد ما جوزي نزل الغشل لقيت واحدة من الشارع جيالي وبتقول عايزة أقولك على حاجة، أنا اتخضيت من شكلها وقلت أكيد في حاجة، بقيتها بتقولي بشوف جوزك كل يوم بيطلع عن جارتكوا اللي في الدور اللي فوقكوا".
تابعت سحر حديثها والدموع تملأ عينيها بسبب صدمتها في حب حياتها: "في الأول مصدقتهاش وقلت أكيد بتكدب بس قلت هراقبه واتأكد بنفسي، حاولت مفتحش معاه الموضوع غير لما أتأكد، واستنيته ينزل الشغل الصبح وراقبته من الباب اشوفه طالع ولا نال وفعلًا لقيته طالع الدور الي فوق منزلش الشغل زي ما هوز كان بيقول لي كل يوم".
رفع دعوى خلع
وقفت الزوجة شاردة لا تعرف ما الذي يجب عليها فعله بسبب أنها فقدت عقلها بعد ما رأت خيانة زوجها وحب عمرها الذي دان لأكثر من 15 عامًا، تابعت: "نزلت شقتي وأنا مش عارفة هعمل إيه، خدت العيال ولميت هدومي ومشيت، وقررت إني لازم انفصل عنه عشان مبقتش قادرة ابص في وشه، مش فاهمة إزاي قدر يعمل كدا فيا طول السنين دي"، انهت الزوجة حديثها: "حسبي الله ونعم الوكيل فيه رفعت دعوى خلع عليه بقالي شهرين ولسه مستنيه الحكم عشان مش قادرة استحمل ابقى على ذمته يوم واحد".
تابع أحدث الأخبار عبر
