في دعوى ضم حضانة
الجدة سامية : "ميعرفش بنته بقاله 6 سنين وفجأة عايز يحرمني منها"
دعوى ضم حضانة لجأت إليها الجدة لأم بعد أن فقدت ابنتها التي لم يمهلها القدر طويلًا، لتحمل على عاتقها مسئولية تربية حفيدتها.
تحملت الزوجة 5 سنوات من التعاسة بسبب الزوج عديم المسئولية من أجل ابنتها الوحيدة، فيشاء القدر وتتوفى وتذهب ابنتها للعيش مع الجدة، لكن الزوج يريد أخذها بالقوة، لتبدأ رحلة الجدة مع دعوى ضم حضانة من أجل بقاء حفيدتها معها.
الجدة سامية:"ميعرفش بنته بقاله سنين وفجأة عايز يحرمني منها"
"جاي بعد 6 سنين عايز ياخد البت بالعافية مني" بدأت الجدة سامية بهذه الكلمات تروي حديثها مؤكدة على معاناة ابنتها طوال 5 سنوات الزواج مع زوجها بأسلوبه الهمجي، ولكنها كانت تتحمل من أجل ابنتها، أضافت: "بنتي من أول الجواز وهي مش مبسوطة عشان أسلوبه معها مش كويس وهمجي وكانت بتغضب كتير وكل مرة كانت بتبقى عايزه تتطلق وأنا برجعها على قرارها وإنها لازم تستحمل حصوصَا بعد لما خلفت وبقا في شخص تالت معاهم".
تابعت الجدة والدموع تملأ عينيها خزنًا على ابنتها: "بنتي حملت للمرة التانية بس ربنا مكرمهاش والجنين مات في بطنها وروحنا للدكتور وقال لازم تعمل عمليه وفعلًا دخلت العمليات على طول بس ماتت جوا في العمليات".
الابنة مع حفيدتها منذ وفاة الأم
أخذت الجدة حفيدتها "منة" ذات الأربع سنوات وتكفلت بكل مصاريفها ومسئولياتها طوال 6 سنوات وطوال هذه السنوات لم يسأل الأب عن ابنته حتى لو لمرة واحدة وفجأة بدون أي مقدمات طلب الأب كمن الجدة أخذ ابنته ولكنها رفضت ولكن الأب مصمم على أخذها من جدتها ما جعل الجدة لرفع دعوى ضم حضانة من أجل إبقاء الابنة معها، أضافت: "البنت قاعدة معايا من ساعة ما بنتي ماتت وأنا اللي مسئولة عنها في كل حاجة ومفيش مرة طلبت من أبوها جنيه لإن مكنتش عايزة حاجة غير إنها تقعد معايا".
تابعت: "وفضلت معايا 6 سنين معايا وأبوها ميعرفش عنها حاجة وكنت لما بكلمه أقوله اسأل على بنتك يقولي مش فاضي، لقيته فجأة جه قالي أنا عايز أخد بنتي قلت له ليه قالي بنتي وأنا حر فيها وأنا اللي أقول تقعد فين ومتقعدش فين".
دعوى ضم حضانة من قبل الجدة
أكملت الجدة: "قالي مرة وقعد بعدها فترة قات كويس مش هيطلب مني تاني إنه ياخدها بس لقيته رجع يقولي أنا عايز بنتي تاني وأنا مش هقدر أدياله البنت عشان عارفة إنه مش مسئول وهمجي وممكن يعمل حاجة في البنت".
أنهت حديثها: "جالي البيت كذا مرة وكان باين عليه إنه شارب عشان عايز ياخد البنت وأنا رافضة، خوفت إنه ممكن يعمل فيا حاجة أو البنت، ورفعت قضية ضم حضانة عشان أخلى البنت معايا"
تابع أحدث الأخبار عبر
