«مراهقة متأخرة».. منال :"راجع يحب ويتجوز بعد ما عياله بقوا طوله"
«صبر وصبرت .. تحمل واتحملت»، خلال 16 سنة كاملة من الزواج لم تكن تعلم الزوجة أن جزاءها سيكون تركها والعودة للحب الأول ونسيانها هي وأولاده.
صبر وصبرت
"استحملته 16 سنة وفي الآخر لاقيته اتجوز عليا" هكذا بدأت منال حديثها مضيفة عدم التفاهم المتواجد من أول الزواج وانفصالهم المتكرر في السنوات الأولى من الزواج ولكن بدأت التفاهم بينهم فيما بعد وحاول الزوجين عدم تدخل أي طرف تالت بينهم وحل الخلافات والمشكلات في سكوت
تابعت: "اتطلقنا 3 مرات في أول الجواز عشان مكناش متفاهمين وفي المرة التالتة روحنا للأزهر وهو اللي رجعنا وبقينا أي خناقات مبندخلش حد بينا ونحاول نحل الأمور"، مضيفة:"بقا يحصل بينا مش كملت منال حديثها وهي تسترجع ذكريات بداية تعارفهما: "كان جاري وجه اتقدملي وأنا لما لاقيته حد كويس وافقت وطول فترة الخطوبة كان كويس معايا وحبيته"
عودة الحب الأول
رغم محاولة الزوجين في تهدئة الأمور بينهم وعدم تصاعد المشكلات إلا أن ظهرت مفاجأة غيرت كل مخططاتهم ألا وهي "حبه الأول"، مستكملة حديثها والدموع تملأ عينيها: “ظهرت خطيبته الأولانية اللي كان خاطبها قبلي وهي دلوقتي مطلقة ومعاها 3 ولاد واتفاجأت إنه حبها واتجوزها عليا”.
أضافت: "أول ما عرفت إنه اتجوز كنت عايزة اتطلق بس لاقيت أهلي بيقولولي متخربيش بيتك طالما هو بقا كويس معاكي وفعلاً مرضتش اتطلق عشان عيالي الأربعة ورضيت بالوضع".
ظنت الزوجة أن رضاها بإتمام الزواج له سيشفع لها عند زوجها ولكن حدث كل ما هو عكس توقعات الزوجة، تابعت منال: "اتجوزها من 6 شهور ومن ساعة ما راح عندها مشوفتهوش تاني ومش راضي يرجع لعياله حتى مصاريف العيال منعها وميبقاش يبعتلي أي فلوس مع إنه شغال في شركة دعايا وإعلان معاه فلوس"
انهت منال حديثها: "طلبت منه إنه يطلقني بدل ماهو سايبني متعلقة كدا بس هو مش راضي وعايزني ابريه من كل حاجة وأسيبله الشقة وامشي وهددني كذا مرة آخر ما زهقت جيت أرفع قضية نفقة عشان أخد فلوس لأولادي ومش عايزة منه حاجة غير إن احنا ننفصل بالمعروف".
تابع أحدث الأخبار عبر
