«كيد النسا».. أميرة: "طليقة جوزي طردتنا من الشقة لما عرفت بحملي"
«صبرت الزوجة على قضاء ربنا وعدم رزقها بأطفال، ولكن صبر الزوج كان غيرها، وبعد خمس سنوات من الزواج طلقها بعد أن تحملته في كل المواقف الصعبة وذهب ليتزوج من أخرى من أجل الإنجاب وأثناء حملها في الشهر الثاني طلبت منه الطلاق، عاد الزوج نادمًا على ما فعله بها فطلب الرجوع لزوجته الأولى الأصيلة وبعد رجوعهم بسنتين رزقهم الله بـ "رقية" بعد صبر دام عشر سنوات».
أقرأ أيضًا: منال للقاضي: «عايز يطردني أنا وعياله الستة من البيت..ومش عارف يصرف علينا»
"سابني واتجوز واحدة تانية عشان مبخلفش" بدأت أميرة حديثها والحزن يملأ عينيها بسبب ترك زوجها لها بعد قصة حب بينهم، مضيفة: "كنا بنحب بعض واتجوزنا وقعدنا خمس سنين مع بعض ولما عرف إني عندي مشاكل ومبخلفش طلقني عشان هو كان نفسه في أطفال مع أنه كان محترم وطيب معايا أوي".
تابعت: "بعد ما طلقني بسنة اتجوز واحدة تانية علطول عشان نفسه يبقى عنده أطفال وبالفعل خلف منها ولد".
خاب ظن الزوج
ظَن الزوج إنه سينعم بحياة هادئة وسعيدة مع زوجته الجديدة ولكن كل توقعاته أصبحت أوهام بعد معرفته جيدًا بطباع الزوجة الثانية، أضافت منى: "كان بيحصل بينهم مشاكل كتير من أول الزواج ومكنتش بتسمع كلامه في أي بيقولها وبعد ما بقت حامل في الشهر التاني طلبت منه الطلاق وفعلًا طلقها وهي حامل".
أكملت: "بعد ما اتطلقت خدت كل دهبها وكل حاجة ليها في الشقة ومكنش ليها أي حاجة تاني في الشقة"، أدرك الزوج قيمة حبه الأول "منى" وطلب منها الرجوع، تابعت: "بعد ما طلقها طلب إن هو يرجعلي وأنا وافقت عشان بحبه وبعد 6 شهور من رجوعنا ربنا كرمنا وخلفت بنت ومكنتش مصدقة نفسي".
أقرأ أيضًا: «يا الدفع.. يا الحبس».. زوجة في خلغ: فاضي يحب واحدة تانية ومش راضي يدفع مصاريف ابنه
أضافت: "طليقته لما عرفت إن إحنا رجعنا لبعض وخلفت اضايقت ورفعت عليه قضية تمكين على الشقة اللي إحنا قاعدين فيها وللأسف كسبتها"، أكملت وعيونها ممتلئة بالدموع: "رفعت القضية عند معايا لما عرفت إني خلفت وكسبتها وخدت الشقة بكل عفشي وحاجتي ورمتنا في الشارع، مكناش عارفين نروح لمين وننام فين لحد ما عمه الله يباركله خدنا عنده في البيت وقعدنا في أوضة".
تابعت: "جوزي غلبان وعلى قده وهي مفترية، كلمت محامي عشان يساعدني وقالي ارفعي دعوى تمكين"
بعد إفتراء طليقة زوجها وأخذ الشقة بكل مستحقاتها رفعت “منى” دعوى تمكين في محكمة الأسرة بالجيزة ولا تزال القضية منظورة حتى الآن.
أقرأ أيضًا: «مخلف من اخته وبيعاشرها في بيتي».. أمل في دعوى خلع: خدت صدمة عمري
تابع أحدث الأخبار عبر
