أخبار محكمة الأسرة
محكمة الأسرة.. مها: مضيع فلوسه على عيلته ومش راضي يصرف جنيه على عياله
دعوى نفقة أقامتها مها في محكمة الأسرة بعد ما تصاعدت الخلافات بينها وبين الزوج على المصروف الشهري للمنزل، وكان القضاء هو الطريق الأخير بعد ما فشلت في إصلاح الحال بينهما، ووجدت أن أمواله ينفقها على عائلته دون الالتفات لمتطلبات بيته وأولاده.
حكايات محكمة الأسرة
فشلت محاولات الزوجة في التأقلم على العيش بهذه الطريقة مع زوج لا يريد الإنفاق عليها هي والأولاد بحجة أن الظروف الحالية صعبة جدًا، ولا تمكنه من الإنفاق على عش الزوجية، ولكن أوضحت مها السبب الحقيقي في رفض الزوج الإنفاق لقاضي محكمة الأسرة قائلة: "الحياة في أول الجواز كانت كويسة جدًا ومفيهاش أي مشاكل، بس بقاله فترة والمشاكل عملة بتزيد بسبب إنه مبقاش عايز يصرف عليا أنا والعيال وكل ما أقول له عايزة مصاريف يقول لي مش معايا، والدنيا صعبة جدًا الفترة دي ومفيش فلوس".
قصص محكمة الأسرة
صبرت الزوجة وتحملت من أجل استمرار الحياة، ولكن بعد ما تمادى الزوج في رفضه للإنفاق بدأت الزوجة التفكير في اللجوء إلى محكمة الأسرة ورفع دعوى نفقة، وتستكمل مها باقي حكايتها وتقول: "لما بدأ يبقى فيه مشاكل بيننا على المصاريف، قلت يمكن عنده ظروف فعلا الفترة دي، بس لما لقيت الموضوع زاد اكتشفت إنه معاه فلوس والدنيا جميلة، وبيصرف على عيلته وبيدي فلوس لاخواته، بس لما أنا آجي أقول له عايزة فلوس للبيت يقول لي لا مش معايا".
دعاوي محكمة الأسرة.. مها في دعوى نفقة
بعدما استمر الحال على هذا النمط لفترة طوية دون تحسين الأمر بينهما قررت اللجوء إلى محكمة الأسرة ورفع دعوى نفقة؛ لعلها تكون الحل النافع لها، وأنهت روايتها قائلة: "صبرت كتير عليه وقلت يمكن ظروف بس لما يبقى مش هامه عياله ورايح يصرف على اخواته يبقى فيه مشكلة عشان كدا رفعت قضية نفقة".