أخبار محكمة الأسرة
حكايات محكمة الأسرة.. سهى في دعوى طلاق: مشيه ورا الحريم خرب البيت
محاولات كثيرة للحفاظ على عش الزوجية، لكن للأسف باءت جميعها بالفشل بسبب خيانات الزوج اللانهائية، وبعدما فقدت الأمل في تغيير الأوضاع لجأت إلى محكمة الأسرة من أحل رفع دعوى طلاق.
قصص محكمة الأسرة.. ماشي ورا الحريم
"ماشي ورا الحريم".. بهذه الكلمات بدأت الزوجة حديثها لقاضي محكمة الأسرة مؤكدة أنها عانت معه بسبب خياناته التي ليس لها حصر، تابعت: “أول ما عرفته مكنش كدا خالص وكان محترم جدا معايا وجيراني ربنا فيا وبيخاف حتى يزعلني، بس من ساعة ما اتجوزنا وكل حاجة اتغيرت ولقيت واحد تاني خالص عايش معايا كل همه الستات وبس، ومش فارق معاه ولا بيت ولا عيال”.
حكايات محكمة الأسرة.. صبرت معاه كتير يمكن يتغير
مشكلات وخلافات تصاعدت مع مرور الوقت، فكرت كثيرًا في الانفصال ولكن بعد انجابها انتزعت هذه الفكرة من أجل أولادها على أمل استقرار الأمور وعودة زوجها لحياته والالتفات لبيته وزوجته، تستكمل حكاياتها قائلة: "من قبل ما اخلف كنت عايزة اتطلق بس اهلي كانوا بيمنعوني، وأول ما خلفت شلت الفكرة دي من دماغي وقلت الأمور هتتظبط وهو هيتعدل معايا ويركز مع عياله وبيته بقا، بس مفيش فايدة فيه لسه زي ما هو بالعكس بيزيد في معرفة الستات اللي مبتخلصش".
روايات محكمة الأسرة.. سهى في دعوى طلاق
بعدنا تمادى الوضع وازداد الزوج في خياناته دون مراعاة زوجته وأولاده، بعد تفكير عميق قررت الزوجة اللجوء إلى محكمة الأسرة ورفع دعوى طلاق لتتخلص من وكر الزواج والخيانات، أنهت سهى حكاياتها قائلة: "صبرت كتير على أمل إنه يتغير بس مفيش فايدة فيه وكل شوية بيزيد في القرف بتاعه دا، وكل مرة يقولي خلاص آخر مرة الاقيه بعدها بأسبوع بيكلم واحدة جديدة، زهقت منه وسبت له البيت ورفعت عليه قضية طلاق عشان اخلص من القرف اللي هو بيعمله دا".
تابع أحدث الأخبار عبر
