أخبار محكمة الأسرة
اتجوزته عشان اجهز اخواتي.. سعاد: بقالي 4 سنين في المحاكم
4 سنوات كعب داير في المحاكم من أجل إعلام وراثة لتثبت فيه سعاد حقها وحق أولادها في ميراث زوجها المتوفي، بعدما تأكدت أن أولاد زوجها لا يعطونها أي حق من حقوقها.
حكايات محكمة الأسرة.. اتجوزته عشان اجهز اخواتي
"ولاد جوزي مش عايزين يدوني حقي ومش عارفة اعمل اية" كانت هذه الكلمات الأولى التي بدأت بها سعاد حكاياتها للحادثة مؤكدة أنها بدأت معاناتها في الحياة بعد وفاة زوجها الذي كان سبب في سعادتها طوال سنوات الزواج، استرجعت حياتها قائلة: "اتجوزته وهو اكبر مني بخمسين سنة عشان كنا على قد حالنا وابويا مش معاه يجهز اخواتي كلهم، وهو كان راجل كبير ومعاه فلوس عشان كدا وافقت اتجوزه عشان اجهز اخواتي".
قصص محكمة الأسرة.. عشت معاه احلى سنين عمري
عاشت معه أجمل سنوات عمرها على حد قولها ونعمت بالاستقرار التام لأكثر من 10 سنوات في عش زوجية سعيد مستقر، تابعت: "كان حنين معايا وبيعملي كل اللي أنا عايزاه، خلفت منه ولدين وكان معيشنا أحلى عيشة انا وهما، بس هو كان كبير وكان تعبان وتوفى، والوقت اللي توفى فيه أنا كنت في بيت أهلي وولادي جوزي معرفونيش إنه توفى انا عرفت بعدها بالصدفة حتى مش معرفني هو الدفن فين، لحد دلوقتي معرفش مكان الترب بتاعته".
روايات محكمة الأسرة.. بقالي 4 سنين بلف في المحاكم
تحولت حياتها في غمضة عين بعد ما توفى الزوج، استكملت حكاياتها وقالت: "جوزي توفى بقاله 4 سنين وانا مش عارفة أخد حقي وحق عيالي من ساعتها، كلمتهم بعد وفاة عشان اخد حقي قالي انتي ملكيش حاجة، خايفة اكلم ولاد جوزي عشان مبيحبونيش ولو كلمتهم ممكن يموتوني، رفعت قضية إعلام وراثة عشان اخد حقي بس بقالي 4 سنين مش عارفة أخد حاجة".