أخبار محكمة الأسرة
«عايش عالة على عيلتي».. سهير بدعوى نفقة: مبيصرفش وفلوسه منعرفش عنها حاجة
بعد تفكير عميق من سهير توصلت إلى محكمة الأسرة باعتبارها الحل النهائي الأسلم لكل مشكلاتها مع زوج لا يريد الإنفاق عليها هي والأولاد، ما جعل المشكلات تتصاعد بينهما بشكل مبالغ فيها، وبعدما فقدت الأمل قررت التوجه إلى محكمة الأسرة ورفع دعوى نفقة بعد سنوات من المشاجرات المستمرة على مصروف المنزل.
حكايات محكمة الأسرة.. قعدنا 5 سنين مفيش أي مشاكل
خلافات بدأت في السنة الخامسة من الزواج بعد ما قرر الزوج عدم الإنفاق على زوجته وأولاده بلا سبب واضح، وكان هذا العائق الأساسي في التعامل بينهما، استهلت الزوجة حكاياتها لقاضي محكمة الأسرة قائلة: "كنا عايشين كويسين جدًا ومفيش أي مشاكل خالص وفضلنا على الحال دا لمدة خمس سنين والدنيا حلوة جدًا، فجأة اتغير معايا مبقاش عايز يصرف عليا مش فاهمة ليه مع إنه مرتبه كويس ويقدر يكفي كل طلباتنا أنا والعيال بس هو مش عايز يعمل كدا".
قصص محكمة الأسرة.. مش عارفة بيودي الفلوس فين
ظنت الزوجة أنه يتغير مع مرور الوقت وإنها مجرد فترة مؤقتة ولكن تمادى الزوج في التعامل ما جعل الخلافات والمشكلات تتصاعد، تابعت سهير: "لما لقيته مش عايز يصرف على البيت قلت أحاول أنا اتصرف واخد أي فلوس من عيلتي وأمشي الدنيا عشان معملش مشاكل، بس لقيته زاد فيها وكل ما أكلمه يقول لي مش معايا فلوس، ومبيصرفش علينا جنيه، مش فاهمة فلوسه بيوديها فين".
دعاوي محكمة الأسرة.. سهير في دعوى نفقة
حاولت الزوجة مجاراة أمورها لأكثر من أربع سنوات على أمل إصلاح الأحوال ولكن لم يتغير شيء وظل حالهما بنفس النمط ما جعل الخلافات تتصاعد، لذا قررت الزوجة قصد محكمة الأسرة في النهاية ورفع دعوى نفقة بعد ما فشلت كل محاولاتها، أنهت سهير حكاياتها لقاضي محكمة الأسرة قائلة: "كنت فاكرة هيتغير ويشوف مصلحة بيته وعياله بس هو مش عايز كدا وعاجبه الخناقات، وأنا زهقت من الخناقات ولما لاقيته مش عايز يتغير رحت رفعت قضية نفقة عشان أخلص من المشاكل دي كلها".