أخبار محكمة الأسرة
محكمة الأسرة.. مروة: مش عايز يطلقني عشان ميخسرش النعمة اللي عايش فيها
وجدت مروة حالها في حياة بعيد كل البعد عن الطريقة التي رسمتها لعش الزوجية، وفوجئت بأنها أصبحت المسئولة عن المنزل من بداية الزواج بعد ما قرر الزوج ترك العمل والجلوس في المنزل، ظنت في البداية أنها مجرد فترة مؤقتة ولكن تمادت المدة حتة وصلت إلى 10 سنوات بالكامل، هنا أصرت مرة على طلب الطلاق وبعدما رفض الزوج توجهت إلى محكمة الاسرة ورفع دعوى خلع.
عجائب محكمة الأسرة..شايلاه من ساعة ما اتجوزته
"أنا اللي شايلة اليت من ساعة ما اتجوزنا" كانت هذه الكلمات الأولى في قصة مروة التي قررت التوجه إلى محكمة الأسرة من أجل رفع دعوى خلع بعد ما عانت مع زوجها بسبب استغلاله لها، أكملت الزوجة رواياتها لقاضي محكمة الأسرة وقالت: "لما اتجوزته مكنتش فاكراه كدا خالص وكان باين عليه إنه مش راجل محترم هيتقي ربنا فيا، بس الكلام دا كان في الخطوبة بس وأول ما اتجوزنا كل حاجة اتغيرت خالص ولقيت واحد تاني عايش معايا غير اللي كنت اعرفه قبل الجواز"
حكايات محكمة الأسرة.. كان معيشني ملكة قبل الجواز
استرجعت مروة حياتها قبل الزواج مؤكدة على تعامل خطيبها المثالي على حد قولها مضيفة: "كان بيعاملني احسن معاملة ومش مخليني عايزة حاجة خالص وكل اللي بطلبه منه بيجيبهولي علطول من غير أي مشاكل بينا خالص، معرفش إيه اللي حصل بعد الجواز، لقيته اتغير معايا ومبقاش عايز يصرف عليا خالص"، لم تدرك ما السبب وراء هذا ولكن لم يمر إلا أشهر قليلة وفجأ الزوج بتركه للعمل، تابعت: "أنا كدا كدا كنت بسشتغل من قبل الجواز فا كنت بصرف وقولت مش مشكلة يمكن ظروف والدنيا هتتظبط بعد فترة، بس لما لقاني بصرف فضل قاعد في البيت وأنا اللي اتدبست في مصاريف البيت".
عجائب محكمة الأسرة.. مش عايز يطلقني بالزوق
حاولت مروة تعديل الأمور والأوضاع للحفاظ على حياتها من الخراب، بعد ما أدركت أن حياتها تستكر على هذا الحال قررت طلب الطلاق، ولكن رفض الزوج بشدة حتى لا يخسر كل المتطلبات التي توفرها الزوجة له، استكملت حديثها وقالت: "حاول كتير أعدل الموضوع دا وكنت بقنعه إنه ينزل الشغل بس مفيش فايدة فيه وحابب قعدة البيت وأنا اللي اصرف عليه، صبرت سنة واتنين وتلاتة وهو لسة زي ما هو مبيتغيرش، طلبت منه الطلاق بس ه مكنش راضي عشان عاجبه الحال وأنا اللي بصرف وهو مبيعملش حاجة وكل الي بيطلبه بتجيله لحد عنده"، عزمت على الانفصال بعد 10 سنوات على هذا الحال وبعدما رفض الزوج إتمام الطلاق بشكل ودي قررت اللجوء إلى محكمة الأسرة ورفع دعوى خلع.
تابع أحدث الأخبار عبر
