نشرة أخبار محكمة الأسرة اليوم
محكمة الأسرة اليوم.. أحمد: عايزة تمد إيدها عليا.. وسعيد: خلعتني لحد ما كتبتلها الشقتين
محكمة الأسرة اليوم .. تقصد الزوجة القضاء في نهاية المطاف بعد ما تفشل في إصلاح حياتها الزوجية من خلال دعوى طلاق أو خلع تقيمها، يعرض «موقع الحادثة» أخبار محكمة الأسرة اليوم من خلال النشرة التي يعرضها يوميًا، ولكن ليس في كل الأحيان تكون فيها الزوجة هي المظلومة ويكون الرجل في قصص كثيرة هو الطرف المظلوم.
منال لقاضي محكمة الأسرة: بياخد تعبي وشقايا عشان يضيعه على كيفه
دعوى خلع في محكمة الأسرة بمثابة طوق النجاة لمنال بعد ماسأة عاشتها مع زوج مدمن لسنوات طويلة كانت هي المسئول الأول والأخير عن المنزل من جميع الجهات لتقرير في النهاية وبعد 15 عامًا على هذا الوضع التخلص من هذه الحياة البائسة من خلال قصد محكمة الأسرة ورفع دعوى خلع، حاولت التغاضي كثيرًا حتى لا تفتعل المشكلات ولكن تصرفات الزوج جعلتها تقرر الانفصال والابتعاد عن هذه الحياة في أقرب فرصة.
تستكمل منال حكاياتها: "صبرت كتير على أمل إنه يتغير بس مفيش فايدة فيه بالعكس، بيزيد ومفيش حاجة نافعة معاه خالص، مش عارفة أصرف على العيال عشان مخلص على فلوسي أول بأول ومش عارفة أعيش معاه كدا لما لقيت مفيش فايدة رحت رفعت عليه قضية طلاق بقالي 3 شهور"، ولا تزال القضية منظورة في محكمة الأسرة حتى الآن.
محكمة الأسرة اليوم.. أحمد: عايزة تمد إيدها عليا عشان شاكة فيا
10 سنوات بالتمام والكمال عشها أحمد في حياة سعيدة مع زوجته ولكن انقلبت حياتهما رأسًا على عقب في غمضة عين بعدما حاوطت الشكوك لزوجة وبدأت في افتعال المشكلات اليومية على هذا الأساس، حتى تطرق الأمر إلى دعوى خلع في محكمة الأسرة أقامتها الزوجة ضده في محكمة الأسرة، استكمل أحمد رواياته مؤكدًا: "كل ما تشوفني بتكلم في التليفون تقولي بتكلم مين وتفتحلي تحقيق، وتعمل خناقة من مفيش وكل مرة أنا احاول اعديها عشان احافظ على البيت والعيال، عديتلها كتير عشان خاطر البيت بس أخر مرة لقيتها مقابلاني في الشارع وعايزة تمد إيدها عليا، رحت اديتها بونية خدت فيها 8 غرز"، تركت الزوجة المنزل بعد هذه المرة ولجأت إلى محكمة الأسرة من أجل رفع دعوى خلع.
محكمة الأسرة اليوم.. سعيد: خلعتني لعد ما كتبتلها الشقتين باسمها
حياة هادئة ومستقرة لا تحمل أي مشكلات أو خلافات بسبب الزوج المطيع الذي يفعل كل ما بوسعه من أجل إرضاء زوجته، وظن أنه ينال تقدير كل هذه السنوات، ولكن تقدير الزوجة كان مختلف تمامًا عنه وفجأته بدعوى خلع في محكمة الأسرة لعد ما اشترى شقتين تمليك بناءً على رغبتها، تابع سعيد لقاضي محكمة الأسرة حديثه: "كنت بحاول أعمل اللي تقدر عليه عشان أسعدها بأي طريقة وكل الي هي عايزاه كنت بحاول اعملهولها، وموضوع الشقة دا كان عشان خاطر متحسش إني حارمه من أي حاجة، بس اتصدمت لما لقيتها اختفت بقالها سنتين من غير أي مشاكل خالص ورفعت خلع، الكلام دا كان بعد ما كتبت الشقتين باسمها، واللي عرفته بعدين إنها عملت كدا عشان تتجوز في تعبي وشقايا".
محكمة الأسرة اليوم.. سحر: لو مخدش مني الفلوس بالزوق بياخدها بالعافية
دعوى خلع أقامتها سحر في محكمة الأسرة بعدما أهدرت حياتها مع رجل لا يعرف المعنى الحقيقي لتحمل المسئولية، وكان هذا السبب الأساسي في تصاعد المشكلات بينهما خصوصًا بعد ما سرق الزوج أموالها الخاصة من أجل الإنفاق على كيفه، أكملت رواياتها مؤكدة: "حياتنا باظت بسبب شربه للمخدرات الي مبوظ كل دا، مشاكل كتبر حصلت بينا بسبب المخدرات والقرف اللي مطير عقله، سكت كتير عشان أحافظ على البيت بس هو برضو مش مقدر، وكمان بقا ياخد الفلوس اللي بصرف بيها على البيت والعيال عشان مزاجه، ولو مديتهوش بمزاجي بيسرق الفلوس غصب عني"، كانت دعوى الخلع هي الوسيلة الأخيرة التي قصدتها سحر لكي تنقذ نفسها من حياتها التعيسة معه.