نشرة أخبار محكمة الأسرة اليوم
محكمة الأسرة اليوم.. حسين: ابن عمها مديها فلوس عشان تخلعني، وعزة: متجوز وبيجيبها البيت لما انزل
محكمة الأسرة اليوم.. تقصد الزوجة القضاء في نهاية المطاف بعد ما تفشل في إصلاح حياتها الزوجية من خلال دعوى طلاق أو خلع تقيمها، ويعرض موقع الحادثة أخبار محكمة الأسرة اليوم من خلال النشرة التي يعرضها يوميًا.
محكمة الأسرة اليوم.. سهام: متجوزاه مدمن ودلوقتي بقى تاجر مخدرات
14 عاما في حياة بائسة عاشتها سهام مع زوجها على أمل أن تغير نمط حياتها، ولكن ساءت الأوضاع بسبب تمادي الزوج في إدمانه الذي كان السبب في تدهور العلاقة بينهما، وحكت سهام حكايتها: "حاولت معاه كتير إني أعالجه، بس هو مش مساعدني، كل شوية أقول هيعرف مصلحة بيته وعياله، بس ما فيش فايدة فيه خالص، اللي زود الطينة بلة إنه ما بقاش مدمن بس، ده بقى تاجر مخدرات"، واختتمت قصتها قائلة: "خلاص مش قادرة أستحمل خالص، وجبت أخري معاه، وهو عمره ما هيتغير، عشان كده رفعت قضية طلاق في المحكمة بقالي 7 شهور"، ولا تزال القضية منظورة حتى الآن في محكمة الأسرة.
محكمة الأسرة اليوم.. حسين: ابن عمها مديها فلوس عشان تخلعني
سنوات من الاستقرار عاشها حسين مع زوجته في منزلهما، تكاد تكون حياة مثالية بمعنى الكلمة، زوجان متفاهمان دون أي مشكلات أو خلافات، ولكن بدأت التلكيكات والحجج تظهر من قبل الزوجة في أصغر المواقف، مضيفًا: "بتقف لي على الواحدة وعلى أي حاجة بعملها وانا مش فاهم ليه وإيه اللي غيرها كده مرة واحدة بعد ما كنا كويسين من غير أي مشاكل، سابت البيت ورفعت الخلع وأنا مش فاهم ليه، بس عرفت ان ابن عمها ورا كل ده، وهو اللي خلاها ترفع قضية خلع عشان هما متفقين على الجواز بقالهم فترة من قبل ما تسيب البيت، وهو اللي كان مرتب لها كل حاجة عشان تخلعني، وكمان كان مديها فلوس عشان توافق على الطلاق منه".
محكمة الأسرة اليوم.. سعاد: كل شوية مع واحدة ومش مراعي سنه
كانت محكمة الأسرة الحل الأخير لسعاد لكي تنفذها من حياتها التعيسة التي تعيشها مع زوجها الذي لا يلتفت فيها إلا لنزواته المتكررة دون مراعاة زوجته وأولاده، بعد صبر دام لأكثر من 20 عاما قررت الزوجة التوجه إلى محكمة الأسرة في النهاية ورفع دعوى طلاق، قالت سعاد للقاضي: "كنت فاكرة إنها نزوة في أول الجواز وهتعدي، بس الحقيقة إنه بيزيد في الموضوع ده بالذات بعد ما كبر وعياله كبروا، وهو لسه زي ما هو مش مراعي أي حاجة خالص، ما بقتش عارفة عددهم من كتر ما خانني، بس ما شاء الله عليه قفل الدستة، ودخل في التانية، خلاص جبت آخري بسببه، ورفعت عليه دعوى طلاق".
محكمة الأسرة اليوم.. عزة: متجوز عليا وبيجيبها البيت لما انزل
توجهت عزة إلى أعتاب محكمة الأسرة لكي تقييم دعوى طلاق ضد زوجها الخائن الذي سامحته مرات كثيرة على أمل أن يتغير، ولكن للأسف زادت خياناته المتكررة لها، فقررت أن تقصد محكمة الأسرة في النهاية عندما تأكدت أن حياتها مستمرة بهذه الطريقة، ولن يتغير شيء؛ لذا كانت دعوى الطلاق في النهاية هي الحل الأمثل، وقالت للقاضي: "عديت وسكت كتير، قلت يمكن يتعدل ويركز معايا أنا وعياله، بس ما فيش فايدة فيه خالص، اللي مقدرتش أعديه لما عرفت إنه متجوز عليا، وبيحيبها البيت وانا مش موجودة".
