محكمة الأسرة اليوم
حكايات محكمة الأسرة.. أميرة: خاطف بنتي بقاله سنة ومش عارفة أوصلها
دعوى ضم حضانة في محكمة الأسرة كان الأمل الأخير لأميرة ولعلها تكون السبب في عودة ابنتها الوحيدة من زوجها بعدما رسمت أحلامها في عش الزوجية معه، لتكون محكمة الأسرة في النهاية هي مصيرها الحتمي لقصة زواج تعيسة.
حكايات محكمة الأسرة.. اتجوزته عشان أخف مصاريف على أمي
استهلت أميرة رواياتها لقاضي محكمة الأسرة مؤكدة ان حياتها من بداية الزواج لا تعرف طريق السعادة ولكنها حاولت كثيرًا حتى تحافظ على حياتها ولكن الزوج كان له وجهة نظر أخرى في هذا الموضوع، تابعت: “متجوزاه وأنا صغيرة جدًا كنت لسه مكملتش 18 سنة، وافقت عليه عشان المصاريف كانت كتير على أمي لأنها هي اللي شايلة البيت لوحدها وأحنا أربع عيال عشان كدا الموضوع كان صعب عليها جدًا”.
أضافت: "هو بكستاني وأكبر مني كمان بس وافقت عليه عشان كان معاه فلوس ومستواه كويس جدً، وكنت فاكرة إن حياتي هتتعدل بعد كدا بس من ساعة ما اتجوزته وأنا متعذبة معاه وطالع عيني".
قصص محكمة الأسرة.. متجوزاه عشان فلوسه طلع بخيل
تستكمل باقي قصتها للقاضي وعينيها مليئة بالحزن بسبب أسوأ سنوات عمرها الضائعة معه بدون فائدة، وكانت النتيجة في النهاية هي خطف ابنتها، تستكمل حديثها قائلة: “مبيصرفش عليا جنية من ساعة ما اتجوزته مع إنه معاه فلوس كتير بس برضو مش عايز يصرف عليا حتى بعد لما خلفت بنتي وهو برضو مش فارق معاه فلوس، عشان يجيب لي أي حاجة أو أكل ليا أنا وبنتي إلا لما يشوفنا خلاص ميتين من الجوع عشان نصعب عليه دا لو صعبنا عليه أصلاً”.
تابعت: "طبعًا المشاكل كبرت بينا أوي بسبب أسلوبه معايا، في يوم وأنا برا وسايبه بنتي في البيت لقيته خطفها وبيقولي مش هرجعهالك، لو عايزة بنتك تعالي سافري معايا".
دعاوي محكمة الأسرة.. أميرة في دعوى ضم حضانة: خطف بنتي
قصدت الزوجة محكمة الأسرة على الفور لتقييم دعوى ضم حضانة بعد ما تلقت المساوامات منه، أنهت رواياتها: "معرفش طريق بنتي فين وبيساومني إني أوافق اسافر معاه عشان أخد بنتي، واللي عرفته إن البنت كمان مش معاه دا مع واحد تاني خالص، وهو مش فارق معاه بنته هو بيعمل كدا عند فيا مش أكتر"، أقامت دعوى ضم حضانة في محكمة الأسرة منذ سنة ول تزال القضية منظورة حتى الآن.