محكمة الأسرة اليوم
محكمة الأسرة وعجائبها.. منه: معندوش حاجة عزيزة حتى عياله هيبعهم عشان المخدرات
دعوى خلع شهدتها محكمة الأسرة من قبل منه بعد المعاناة التي شهدتها الزوجة في عش زوجية لا يعرف أي شيء سوى الخلافات، ورغم كل محاولاتها في إصلاح حياتها معه إلا أن المخدرات دمرت كل هذه المحاولات وكانت نهاية حياتها الزوجية على أعتاب محكمة الأسرة.
حكايات محكمة الأسرة.. اتصدمت فيه بعد الجواز
تستهل منه حكاياتها لقاضي محكمة الأسرة وقالت: "متجوزة وأنا صغيرة أوي كنت لسة عندي 17 سنة وكنت فاكرة الجواز هيبقى فسح وخروج بس ومفيش مشاكل ولا خلافات، وهو كمان كان مؤدب ومحترم وميعرفش أي حاجة عن المخدرات والحشيش والحاجات دي"، تابعت: منه "كنت فاكرة إنه هيعيشني ملكة زي ما كان بيحاول يعمل معايا في أيام الخطوبة بس الحقيقة إني لقيت حاجة تانية خالص مكنتش متوقعاها أبدًا".
قصص محكمة الأسرة.. فهمني إنه بيشربها تفاريحي
اتجه الزوج لطريق المخدرات بعد الزواج مباشرةً ما جعل المشكلات بينهما تتفاقم أكثر وأكثر بسبب تغيب عقله في التعامل معها وأولادها الصغار، تستكمل منه باقي رواياتها قائلة: "أول لما بدأ يشرب مخدرات قالي أنا بشربها تفاريحي كدا بس ولما بكون مضايق، لحد ما بقى مدمن خلاص وبقى يشرب الآيس اللي مدمر الناس كلها دي"، تابعت: "لما بدأ في المخدرات والحشيش الدنيا مكنتش بايظة اوي بس لما بدأ يشرب الآيس وهو بقى واحد تاني خالص مش عارف هو بيعمل ايه ولا بيتصرف ازاي".
روايات محكمة الأسرة.. باع كل حاجة حتى عياله عايز يبيعهم
تفاقمت المشكلات بينهما سبب إدمان الزوج الذي كان السبب في دمار حياتهما، تابعت منه: "أخر سنة زدي بقا واحد تاني خالص مش عرفة اتعامل معاه بسبب الآيس دا، طبعا مفيش شغل ولا فلوس ولا أي حاجة، كل اللي يعرفه المخدرات وبس"، أضافت الزوجة لقاضي محكمة الأسرة: "بقا يبيع أي حاجة قدامه عشان يجيب تمن القرف اللي بيشربه، وصل بيه الحا إنه ياخد عياله الصغيرين ويروح بيهم عند الديلر عشان يرهنهم، عرفت الكلام دا من ناس غريبة معرفهاش بيجوا يقولولي جوزك عايز يبيع عيالك"، لم تتحمل منه أن تكمل معه بهذه الطريق التي من الممكن تكون سبب ضياع أولادها الصغار.