محكمة الأسرة اليوم
محكمة الأسرة.. أميرة بدعوى طلاق: ضربني عشان سلمت على ابن خالتي
كانت أعتاب محكمة الأسرة في النهاية هي الحل لأميرة حتى تتخلص من شك زوجها الدائم فيها على أتفه الأسباب، بعد خلافات ومشكلات كثيرة قررت التوجه إلى محكمة الأسرة ورفع دعوى طلاق بعد 11 عام من الغيرة والشك.
حكايات محكمة الأسرة.. كنت فاكرة الغيرة هتخف بعد الجواز
"ضربني عشان سلمت على ابن خالتي" هكذا بدأت أميرة حدثيها لتؤكد على معاناتها مع زوجها التي حولت حياتها لجحيم تريد الفرار منه بأي طريقة، تسترجع أميرة حياتها أثناء الخطوبة وتقول: "في الخطوبة كان بيغيير عليا بس كان عادي مش أوفر زي دلوقتي وكنت بعدي وأقول عادي إنه يغير عليا ومكنتش بقف على الواحدة، قلت بعد الجواز الموضوع هيختلف بس الحقيقة إنه زاد أكتر وأكتر عن أيام الخطوبة".
قصص محكمة الأسرة.. ضربني عشان سلمت على ابن خالتي
بدأت المشكلات تحاوط عش الزوجية من جميع الجهات للسبب ذاته وحاولت في كل مرة تهدئة الأوضاع ، ولكن كان الأمور تتصاعد بينهما، تابعت: "مش عارفة اتعامل مع الناس براحتي، كل ما أكلم حد في التليفون يقول انتي بتكلمي مين وليه، بقيت احس إني بعمل حاجة غلط بسببه، كل يوم مشاكل بسبب موضوع الغيرة دا وأقو مصيره يتغير بس مفيش أي حاجة بتحصل وبيزيد فيها أكتر وأكتر"، تابعت: "يوصل بيه الحال إنه نبقى في عزومه عند قرايب ماما وسلمت على ابن خالتي عادي لقيته قام ضربني علقة وسط الناس، مكنتش مصدقة إنه يعمل كدا فيا خصوصً قدام الناس".
قضايا محكمة الأسرة.. أميرة في دعوى طلاق
تغاضت أميرة عن تصرفات زوجها التي تحمل الشك والغيرة طوال الوقت على امل إصلاح الوضع بينهما ولكنه مصر على استكمال معاملته معها بنفس الطريقة ما جعل الحياة بينهما شبه مستحيلة، تستكمل الزوجة رواياتها وتقول: "مبقتش عارفة اعمل اية ولا اتعامل معاه ازاي، كل ما يشوفني بكلم حد يفتحلي تحقيق، حتى الخروج محرمني اخرج لوحدي ولازم في أوقات معينة اللي هو يقول عليها"، اختتمت حكاياتها قائلة: "خلاص مبقتش قادرة استحمل أكمل معاه بنفس الطريقة دي وحاسة إني متراقبة وأي حاجى محسوب عليا مش وفاهمة ليه، طلبت منه الطلاق بس هو رفض وقالي مش هطلق واللي عندك اعمليه، رحت رفعت عليه قضية طلاق عشان اخلص منه ومن شكه".