محكمة الأسرة اليوم
محكمة الأسرة .. أميرة في دعوى نفقة: كل ما أعمله مشروع يضيع فلوسه ويخسرني
دعوى نفقة في محكمة الأسرة كانت الحل الأخير التي توصلت إليه أميرة يعد 9 سنوات من المشكلات المستمرة بسبب تكاسل زوجها عن العمل وعدم إنفاقه جنيهًا واحدًا، حاولت أن تساعده كثيرًا من خلال المشاريع التي تقيمها له ولكنه كان السبب في خسارتها كل أموالها، لذا أصرت على قصد محكمة الأسرة في النهاية ورفع دعوى نفقة ضده.
قصص محكمة الأسرة.. قاعدلي في البيت وانا اللي بصرف عليه
"فلست بسببه وهو معندهوش دم"، هكذا بدأت أميرة رواياتها لـ الحادثة مؤكدة أن كل المشكلات بينهما قائمة بسبب رفضه الإنفاق عليها هي والأولاد، تابعت: "متجوزاه بقالي 9 سنين وكل المشاكل على مصاريف البيت اللي مش راضي يتحملها دي، وأنا اللي بصرف علي العيال وعليه وشايلة كل مصاريف البيت لوحدي وهو مبيصرفش جنيه واحد حتى".
حكايات محكمة الأسرة.. كل ما أعمله مشروع يضيع فلوسه
حاولت مساعدته أكثر من مرة من مالها الخاص على امل التفاته لها ولأولاده ولكنه كان يتمادى في استهتاره وعدم اهتمامه بما يدو ر في المنزل، أضافت: "بالرغم إنه مكنش يعرف حاجة عن المصاريف بس كنت بقول مش مهم طالما انا بشتغل ومعايا فلوس أصرف ومكنتش بسأله على حاجة خالص"، قالت أميرة: "كل اللي يعرفه الحشيش وبس غير كدا ميعرفش عني حاجة أنا والعيال، عملتله مشاريع كتير قلت يمكن ير كز معانا شوية ويسيبه من الحشيشي اللي مضيع عليه فلوسه كلها دي بس برضو مفيش فايدة، كل مشروع كنت بفتحهوله كان بيجيب قفله وبيخسرني كل المشاريع اللي بعمهاله".
أخبار محكمة الأسرة.. خسرني كل فلوسي
لم يتبقى معها أي موال لتنفق على أولادها بعد ما كان الزوج السبب في خسارتها لكل أموالها، اختتمت حكاياتها قائلة: "خلاص فلست بسببه ومبقاش معايا ولا مليم وهو معندهوش دم ولا فارق معاه حاجة"، لذا قررت التوجه إلى محكمة الأسرة ورفع دعوى نفقة.