أخبار محكمة الأسرة
محكمة الأسرة .. بثينة: كل لما يزور أهله يرجع مش طايقني ويضربني من غير سبب
تواجدت «بثينة» على أبواب محكمة الأسرة بعد حياتها التي عاشت مع زوجها التي ملأها الظلم والقسوة بسبب أهل زوجها الذي لم يعاملوها بالإحسان طوال سنين زواج ابنهم، وزادوا في ظلمهم حتى توجهت الزوجة لمحكمة الأسرة لتحصل على حقوقها التي حرموها منها وظلموها وكسروا فرحتها.
قصص محكمة الأسرة.. حماتي بتكرهني من زمان
أول ما بدأت به بثينة في رواية قصتها قالت أن حياتها في بداية الزواج كانت تنعم بالاستقرار والسعادة ولكن تحول كل هذا الاستقرار عندما بدأت والدة زوجها في التدخل في كل أمور حياتها، قالت «بثينة» : «اتجوزت عن حب من ٥ سنين حياتنا كانت كويسة ومفيش أي مشاكل بس كل حاجة اتغيرت بسبب أمه اللي مكنتش بتحبني من ساعة ما جوزي اتقدملي وهي عندها مشكلة معايا حاولت كتير اني اغير صورتي في عينيها لكن مفيش فايدة».
حكايات محكمة الأسرة.. اهل جوزي بيشتموا عليا من ورايا
تابعت «بثينة» حديثها قائلة: «المشكلة كانت في اهله على طول بيتدخلوا في كل حاجة وعاملين مشاكل معايا بسبب ومن غير سبب، كنت بعاملهم كويس ويجوا عندي البيت اخدمهم واسمعهم بيشتموا عليا من ورايا، كل مادى المشاكل كانت بتزيد جوزي كان بيروح الزيارة لأهله كل أسبوع في يوم اجازته يقضيه معاهم يرجع متقوم عليا ومش طايقني ويعمل مشكلة من غير سبب ويضربني ويبهدلني لو كوباية ماية يعمل عليها مشكلة،».
دعاوي محكمة الأسرة.. جوزي بيضربني بسبب أهله
أضافت الزوجة: « من قريب أخر مرة ضربني في الشارع مقدرتش ساعتها أرجعله تاني مش عايزة أشوفه تاني، ابني كان بيعيط وكنت بسكته وبقوله لأبني بس يا حبيبي قالي انتي بتشخطي في الواد ليه وكدة هخضيه وانا كنت بسكت الولد عشان بيعيط بس».
قضايا محكمة الأسرة.. مش قادرة أكمل معاه بسبب اهله
أنهت «بثينة» حديثها قائلة: « وقتها عرفت أن الحياة معاه مستحيلة ومقدرش أكمل معاه أكتر من كدة، وان اهله مش هيسبوني في حالي مهما عملت، سيبت البيت على طول بعد اخر حاجة حصلت ورحت عند اهلي ورفعت عليه قضية خلع ونفقة عشان حقي وحق ابني».