أخبار محكمة الأسرة
محكمة الأسرة.. إلهام: بيساومني أدفعى علشان تتطلقي
تواجدت «إلهام» على أعتاب محكمة الأسرة، لرفع دعوى خلع بعد ما اكتشفت خداع زوجها الذي اختارته ان يكون شريك حياتها طوال سنوات الزواج، وأن كل الادعاءات بأنه رجل صالح كانت مجرد كذب، وأنه مجرد رجل نصاب لم يصون زوجته او يتقي الله فيها وفي حياتهم وقبل المال الحرام عليها وعلى أبنائها وعندما رفضت الزوجة هذه الحياة لم يقبل أن يعطيها حتى حريتها، وجعلها تلجأ لمحكمة الأسرة بحثا عن حقوقها وحريتها.
قصص محكمة الأسرة.. جوزي داخل على طمع من زمان
قالت «إلهام» في بداية حديثها: «انا اتجوزت من ٢٠١٨ معايا من جوزي ولد وبنت، كان جواز صالونات عادي والدنيا في الأول كانت عادية، كان بيبان عليه انه داخل على طمع بس أنا كنت فرحانة اني هتجوز ونسيت الكلام ده بالذات عشان هو كان كويس حتى الخلافات بينا كانت زي أي زوجين مفيش حاجة زيادة وأنا كنت بعدي وامشي الدنيا عشان مخربش البيت».
حكايات محكمة الأسرة.. نصاب وعايش على قفا أهلي
تابعت «إلهام» حديثها قائلة: «أكبر حاجة كان عليها خلافات من زمان انه مبيصرفش أهلي اللي بيصرفوا علينا وبيساعدوني وهو استحلاها من زمان ساعة أيام الخطوبة وهو عايز أهلي يصرفوا ويشيلوا مسؤولية كل حاجة، مع انه كان بيشتغل بس مكنتش أعرف حاجة عن اي حاجة تخصه، كان نصاب من زمان وأنا اللي مكنتش واخدة بالي».
دعاوي محكمة الأسرة.. الناس بتيجي البيت تطالبنا بفلوس
أضافت الزوجة: «اكتشفت انه نصاب لما ناس كتير بقوا يجو البيت عندنا يطالبوه بفلوس يقوله انه نصب عليهم وكل لما يحصل حاجة واساله مين دول يكذب عليا ويقولي قصة جديدة، كان على طول مش في البيت وهربان معرفش عنه حاجة وخايف حد يلاقيه عشان الفلوس اللي عليه وسارقها منهم ».
قضايا محكمة الأسرة.. عايز فلوس عشان يطلقني
أنهت «إلهام» حديثها قائلة: «لما تعبت ورفضت الحياة دي طلبت منه الطلاق وقتها طلب مني اسيبله الشقة وادفع 10 ألاف جنية عشان يرضى يطلقني رفضت ساعتها اني اسيب حقي وجيت المحكمة عشان ارفع قضية خلع عشان اخلص منه ومن الحياة معاه».