أخبار محكمة الأسرة اليوم
محكمة الأسرة .. هنادي: بيديني 10 جنيه عشان أجيب لبس للعيال ويقولي كفاية عليكم
سنين من الألم عاشتها «هنادي» مع زوجها الذي لم يريد تحمل مسؤولية بيت أو أسرة طوال سنين زواجهم وترك زوجته تتحمل المسؤولية كاملة وحدها، وأصبح حياته وعقله للمخدرات فقط ولم يرعى أبنائه قط بل تركهم دون إعطائهم أبسط حقوقهم، وعندما اكتشفت الزوجة أن حياتها مع زوجها أصبحت غير مستقرة وأنها أصبحت الأم والأب لبناتها والراعي الوحيد لهم قررت ترك زوجها الذي لم يكفيه تدمير أسرته بل رفض أن يعطي «هنادي» حريتها وأوصلها في النهاية لمحكمة الأسرة تبحث عن حريتها.
قصص محكمة الأسرة.. بقالي 10 سنين منفصلة عن جوزي
قالت «هنادي» في بداية حديثها: «أنا متجوزة بقالي كتير حوالي 20 سنة، معايا 4 بنات في اتنين كبار واتنين تؤام صغيرين، سايبه جوزي بقالي 10 سنين ورافض يطلقني، أنا وهو كنا نعرف بعض قبل الجواز ولما اتقدملي وافقت عليه على طول».
حكايات محكمة الأسرة.. بيشرب مخدرات من زمان
تابعت «هنادي» حديثها قائلة: «جوزي كان بيشرب مخدرات من زمان من قبل ما نتجوز كنت عارفة انه بيشرب وقلت دي حاجة بسيطة وهتخلص لكن كنت غلطانة كل مادى كان بيزيد مع الوقت مبيقلش، غير المخدرات بقى مفيش مسؤولية ولا رعاية وعايش اليوم بيومه».
دعاوى محكمة الأسرة.. أنا اللي شايلة مسؤولية البيت
أكملت الزوجة حديثها: «كان مش عايز يشيل مسؤولية أي حاجة أنا اللي كنت بشتغل وبصرف على البيت، فلوسه من شغله كانت على القد وبيصرفها على نفسه وعلى المخدرات وبس أنا وولاده مش في باله، كنت لما أقوله عايزة لبس لعيالي يقولي خدي 10 جنية كفاية عليكم، كنت باخد اللي يديهوني وأنا أكمل من معايا، اتحملته عشان خاطر ولادي لحد ما لقيت إن الحياة معاه ملهاش لازمة وهو زيه زي قلته».
قضايا محكمة الأسرة.. رفعت خلع عشان أخلص منه
أنهت «هنادي» حديثها قائلة: «لما تعبت منه خدت بناتي ورحت سكن بره ودلوقتي أنا لسه على ذمته طلبت منه الطلاق كتير مش راضي يطلق عايزني ارفع قضية خلع، كنت عايزة اخلص ودي لكن هو رافض، واضطريت أرفع قضية خلع عشان أخلص منه».