أخبار محكمة الأسرة
محكمة الأسرة.. سلمى: عمتي بتقول لأبويا أرمي بنتك في الشارع
كانت «سلمى» في محكمة الأسرة بسبب مشاكل لم يكن لها أي ذنب فيها بسبب والديها التي كانت المشاكل والتدخلات تملأ حياتهم، حتى تدمرت أسرتهم وكانت «سلمى» واخواتها من دفعوا ثمن هذه الخلافات والتدخلات، وجدت «سلمى» القسوة في حياتها من أقرب الناس إليها فكانت القسوة من والدها ومن عمتها ومن خالها وكل من كان مفترض أن يكون سندها في الدنيا حتى وصلت لمحكمة الأسرة في سن العشرين وهي مازالت في بداية حياتها.
قصص محكمة الأسرة.. أبويا وأمي في مشاكل بسبب أهل أبويا
قالت «سلمى» في بداية حديثها: «ابويا وأمي اتجوزوا من 15 سنة ومن زمان وهما في مشاكل وكانت دايما بتقصر عليا لما كبرا فهمت ان المشاكل سببها أهل أبويا لأنهم بيتدخلوا في كل حاجة تخص حياتنا وكانوا بيقوموا أبويا على أمي».
دعاوي محكمة الأسرة.. أبويا رمانا عشان أهله قوموه علينا
أكملت الزوجة حديثها: «عماتي فضلوا ورا مشاكل أبويا وأمي لحد ما كانوا هما سبب طلاقهم ومكفهمش اللي هما عملوه كمان كملوا يكونوا سبب المشاكل بعد الطلاق، وخلوا أبويا يرمينا وميسألش علينا ولا يصرف علينا جنية».
قضايا محكمة الأسرة.. بعد وفاة جدي محدش وقف لأبويا
تابعت «سلمى»: «أبويا كان بيصمم إنه ياخدنا عنده وكان وقتها بيضربني لحد ما جسمي كله يزرق أنا واخواتي وكل ده بسبب عمتي اللي كانت بتقوم أبويا علينا، احنا كنا مرتاحين واحنا عند ماما، بس هي كانت بتقوله ياخدنا منها ويحرق قلبها علينا، جدي قبل ما يتوفى كان واخدنا على طول عنده وابويا مكنش بياخدنا من أمي وبعد ما مات أبويا زاد في عمايله محدش يقفله».
حكايات محكمة الأسرة.. عمتي بتطلع عليا سمعة وحشة
أنهت «سلمى» حديثها وقالت: «عمتي قالتله اعملها فضيحة عشان تنتقم من امها وقول عليها أنها بتمشي مع شباب وبتاخد فلوس منك وبتديها للشباب اللي ماشية معاهم، ويا أمها تاخده يا اما سيبها في الشارع وخلته يقول عليا مش بنته، وكل ده محصلش طبعا، وجيت مع ماما لأنها رافعة عليه قضية نفقة عشان ناخد حقنا منه».