أخبار محكمة الأسرة
محكمة الأسرة .. سميرة : كل سنة بعمل زيادة نفقة للعيال عشان الزوق مش نافع معاه
11 عام في محكمة الأسرة تطلب فيهم سميرة زيادة لنفقة بناتها كل سنة بسبب زيادة المصروفات وزيادة متطلباتهن، والذي جعلها تقصد محكمة الأسرة هو ملاوعة طليقها معها فلا تجد أي طريقة أخرى لتضمن حق بناتها.
أخبار محكمة الأسرة .. القضايا هي الحل عشان يدفع
أول ما بدأت به المحامية سلمى ، محامي سميرة حديثها لقاضي محكمة الأسرة هي: "متطلقة بقالها 11 سنة بسبب إن مفيش بينهم أي تفاهم ، أو توافق عشان كدا قعدت معاه أربع سنين خلفت منه بنتين واتطلقت ، ومن ساعة ما اتطلقت رفعت عليه قضية نفقة وكل سنة ترفع قضية زيادة نفقة عشان مصاريف النفقة تزيد ، لما كلمته إنه يدفع بالزوق مرضاش"، تابعت محامية المدعية: "أوقات بيدفع على طول وأوقات تانية بيعذبنا عشان يدفع عشان كدا أوقات بنضطر نرفع عليه تجميد نفقة ومبيقاش قدامه غير الدفع عشان لو مدفعش هيتحبس".
حكايات محكمة الأسرة .. عايزني اتنازل عن قضية النفقة
زادت الخلافات بينهما أكثر بعد الطلاق بسبب لجوء الزوجة كل فترة إلى محكمة الأسرة من أجل زيادة النفقة لبناتها ما جعله يطلب منها التنازل عن قضية النفقة ، وعدم رفع زيادة نفقة كل عام لأن حالته المادية غير ميسور ولا تسمح بدفع هذا المبلغ كل يوم، ولكن الزوجة أصرت على ذلك، أكملت المحامية حديثها على لسان مدعيتها سميرة: "طلب منها كذا مرة إنها تتنازل عن القضية عشان بيقول إنه مش هيقدر على مصاريفها كل شهر، بس هو كذاب ومعاه فلوس بس مش عايزها تعمل زيادة وعايز يديها ملاليم كل شهر".
قضايا محكمة الأسرة .. سمير في دعوى زيادة نفقة
لم تصغى سميرة لطليقها واستكملت قضية زيادة النفقة من أجل بناتها لتحكم لها المحكمة في النهاية بزيادة 800 جنية على النفقة الشهرية، تابعت سلمى: "كملنا في القضية عادي عشان مبيرضاش يدفع بالزوق وأخر زيادة اتحكملها بزيادة 800 جنية على نفقتها يعني 400 لكل بنت، وكانت بتاخد قبل كدا 1400 جنية قبل الزيادة، يعني كدا نفقتها دلوقتي وصلت لـ 2200 ولسة هنعمل استئناف" ما زالت الدعوى منظوة في المحكمة برقم 3800.