أخبار محكمة الأسرة
محكمة الأسرة وحكاياتها.. ولاء: مش عايز يتعب ولا يشتغل وعجباه قعدة البيت
كانت محكمة الأسرة هي الحل الأخير لحياة لا تشعر فيها ولاء بأي سعادة في حياتها الزوجية بسبب رجل لا يعرف أي شيء عن المسئولية ، حيث قررت ولاء البحث عن العمل لتغطية مصروفات المنزل وكلها أمل أنها تحاول إقناعه بالعودة للعمل ، ولكن فشلت كل محاولات ما جعل المشكلات تتصاعد ونوت على رفع دعوى طلاق
قصص محكمة الأسرة
استهلت ولاء رواياتها لقاضي محكمة الأسرة تروي سبب مجيئها وقصدها دعوى طلاق وقالت: "عايشة مع شبه راجل مش عارف يشيل مسئولية البيت ولا عارف يعمل أي حاجة زي بقية الرجالة وبرضوا كنت صابرة عشان خاطر البيت والعيال وكنت بقول هيتغير بس للأسف مفيش أي حاجة اتغيرت خالص مع إنه في أول الجواز كان شغال عادي، بس فجأة قعد في البيت"، أكملت قائلة: "وبقا دا العادي إنه على طول قاعد في البي ت من غير ولا شغلة ولا مشغلة، وكل ما أكلمه واقوله ينزل الشغل يقول لي مش هنزل واللي عندك اعمليه، تعبت من الخناقات بتاعة كل يوم على المصاريف".
حكايات محكمة الأسرة
أسلمت أمرها لله وقررت أنها تتحمل مسئولية المنزل بمفردها حتى تحافظ على المنزل من أي خراب وبدأت تبحث عن العمل لتغطية مصروفات المنزل، أضافت: "دورت على شغل ونزلت عشان اصرف على العيال الصغيرة اللي ملهاش ذنب دي، قلت أما أشوف أخرها معاه ويمكن يتعدل وينصلح حاله بس مفيش فايدة فيه برضوا"، تابعت ولاء: "طول الوقت خناق بسبب الموضوع دا وكلمته كتير بس هو حابب قعدة البيت ومش عايز يشوف مصاريف بيته وعياله، وأنا تعبت عشان انا اللي شايلة كل مصاريف البيت لوحدي وهو عامل نفسه عبيط مش واخد باله من حاجة".
قضايا محكمة الأسرة
عزمت على الانفصال 7 سنوات من المشاجرات والخلافات بسبب عدم تحمل الزوج المسئولية لذا كان اللجوء إلى محكمة الأسرة هو الحل الذي يساعدها على التخلص من هذه الحياة، انهت ولاء رواياتها: "بعد 7 سنين على الحال دا جبت أخري ومبقتش قادرة استحمل إني أعيش بالطريقة دي أكتر من كدا، وبعد ما فقدت من الأمل رحت رفعت عليه قضية طلاق عشان أخلص من المشاكل دي".