أخبار محكمة الأسرة
محكمة الأسرة... مها: عايشنا معاه في سجن بسبب المخدرات واضطرنا نهرب منه
تواجدت «مها» في محكمة الأسرة وهي تتمنى أن تجد فيها الحل عن طريق الخلاص من زوجها الذي دمر حياتها ودمر أسرتها وجعل حياتها جحيم، فمنذ اكتشافها إدمانه للمخدرات حاولت بكل الطرق أن تبعد عنه وتحمي نفسها وأولادها من مستقبلهم معه لكن بائت كل محاولاتها بالفشل، حتى وصلت في النهاية لمحكمة الأسرة بعد هروبها من جحيم زوجها.
قصص محكمة الأسرة
قالت «مها»: «أنا اتجوزت من 8 سنين، كان جواز صالونات اتقدملي وكان كويس وبيشتغل شغلانة كويسة ومحترم، كنت فاكرة إني هتجوز ويبقى عندي زوج وبيت وأسرة وأولاد، لكن الحياة بعد الجواز كانت صعبة جدًا غير اللي كنت متخيلاه، بقالي دلوقتي سايبة جوزي من سنة تقريبًا بعد ما شفت الويل معاه».
حكايات محكمة الأسرة
أكملت الزوجة :«الحياة في الأول كانت طبيعية بمشاكلها العادية، خلفت منه بنت وولد ظروفه مكنتش أحسن حاجة بس الدنيا كانت ماشية، أنا كنت عارفة إنه بيشرب حشيش من زمان بس كنت بقول عادي كله بيشرب دلوقتي، لحد من سنتين تقريبا عرفت انه بيشرب مخدرات شفته بيشربها في البيت ولما واجهته وقلتله يبطل رفض ومسكني ضربني».
دعاوي محكمة الأسرة
لم تجد «مها» مفر من حياتها مع زوجها وحاولت بكل الطرق أن تهرب لتنقذ نفسها وأبنائها من هذا العذاب لكنها فشلت كل مرة حتى تملك منها اليأس في حصولها على حياة طبيعية من جديد.
تابعت «مها» كلامها متأثرة: «من بعد المخدرات بقى واحد تاني على طول عصبي، حاولت معاه كتير انه يبطل لكن كل لما أتكلم يبهدلني ويضربني مع انه مكنش كدة الأول، ولما كنت بعوز أغضب وأسيب البيت تحصل مشكلة يمسكني ويضربني ويحبسني ميخلنيش اروح في حته، بقى مبيصرفش على العيال ولما أكلمه يقولي ظروفي كدة والناس كلها زينا، حاولت كتير أسيبه ومكنتش بعرف، وهو كان طول ما هو شارب كويس معايا ومع العيال غير كده بيبقى واحد تاني».
قضايا محكمة الأسرة
أضافت «مها» في نهاية حديثها: «مبقتش قادرة أعيش معاه لحد في مرة وهو شارب خدت العيال وهربت في نص الليل ومرجعتلوش تاني أبدًا، ورفعت عليه قضية خلع عشان أخلص منه هو كان كويس معايا أنا والعيال بس المخدرات لحست دماغه خلاص».