أخبار محكمة الأسرة
حكايات محكمة الأسرة... عايدة: قفشته بيخوني في سريري بعد 16 سنة جواز
دعوى نفقة كانت سببا لتواجد «عايدة» في محكمة الأسرة بعد تعرضها للغدر والخيانة من زوجها، الذي اختارته أن يكون شريكًا لها وأبا لأولادها، عاشت معه وتحملته لسنين عديدة من أجل أن تحافظ على بيتها، لكن بعد سنين من العشرة كانت تملأها الخيانة صبرت فيها الزوجة على زوجها فاض بها الكيل وانتهت بها السبل في محكمة الأسرة.
قصص محكمة الأسرة
قالت «عايدة» وهي على أعتاب محكمة الأسرة: «أنا اتجوزت من سنين كتيرة أوي، خلفت من جوزي 3 أولاد الكبار واحد متجوز والتاني في الجامعة والبنت الصغيرة عندها 11 سنة، اتجوزنا جواز صالونات وبعد كده اكتشفت إن جوزي بتاع ستات من زمان».
حكايات محكمة الأسرة
لعده سنين عاشت «عايدة» مع زوجها الذي كانت تعلم أن الخيانة في طبعه وأن نزواته كثيرة ولكنها تجاهلت كل هذه العلامات حتى لاتخرب بيتها، ولم يقدر الزوج أي من تضحياتها، تابعت الزوجة: «عرفت بعد الجواز من 5 سنين انه بتاع ستات، كنت بعرف من الخروجات والتليفونات وتصرفاته انه يعرف عليا ستات، وفضلت مع جوزي 16 سنة، كان بيخوني فيهم وأنا كنت بعدي وبمشي الدنيا عشان البيت والولاد.»
حكاوي محكمة الأسرة
أكملت «عايدة»: «بعد كل سنين العشرة قفشته مع واحدة في بيتي، كنت بزور أهلي ومعايا العيال ورجعت بدري لقيته معاها، سيبته من ساعتها ورحت عند أهلي ومن ساعتها ومرجعلتوش تاني، منفصلة عنه بقالي 9 سنين ودي عند المأذون.»
قضايا محكمة الأسرة
بعد ما راته «عايدة» من زوجها قررت أن تتركه ولا تعود للحياة معه لأنها أصبحت لا تثق في زوجها ولا تشعر بالأمان معه، وأنهت الزوجة حديثها والدموع في عينيها على الحياة التي عاشته مع زوجها: «اتطلقت بعد 16 سنة جواز، رفعت قضية خلع بعد ما سيبته وبعد كدة اتنازلت عنها وهو طلقني ودي، حاول يرجعني تاني بعد اللي حصل، بس أنا رفضت مقدرش ارجعله بعد اللي شوفته بعيني والبهدلة اللي شوفتها معاه، وجيت المحكمة أرفع عليه قضية نفقة عشان بنتي الصغيرة اللي هو مبيسألش فيها ولا بيصرف عليها.»