المخدرات لحست دماغه.. سهير بدعوى خلع : «جاب السكينة وأنا نايمة وعايز يقتلني أنا والعيال»
سنوات ضائعة أهدرتها سهير مع زوجها المدمن لعل الأمور تتحسن في يوم من الأيام وتعود لحياتها السعيدة التي نعمت بها في بداية الزواج ، ولكن للأسف كل المحاولات بات بالفشل وكانت نتيجة صبرها في النهاية هو محاولة قتلها ما جعلها تلجأ لـ محكمة الاسرة من أجل إنقاذ نفسها هي وأولادها.
مكنش يعرف حاجة عن الشرب في أول الجواز
كانت دعوى خلع بمثابة طوق نجاة لها هي وأولادها من زوجها المدمن الذي أصبح مغيب غير مدرك لأفعاله، تستهل الزوجة الحديث لقاضي محكمة الاسرة وتقول: "في أول الجواز مكنش يعرف حاجة عن الشرب والحاجات دي خالص بس معرفش إيه اللي حصله ومين اللي عرفه الطريق الزفت دا، أول لما نعرف إنه بيضرب من 15 سنة قال لي دا بشربه بس لما أكون مع صحابي في القهوة تفاريح كدا مش أكثر"، تابعت: "قلت يارب فعلا يبقا تفاريح كدا مش على طول، بس كل شوية كنت بلاقي الموضوع بيزيد معاه لحد ما بقى صعب أوي في الشرب ومش عارفة اتعامل معاه أصلا".
بعاني منعاه بقالي 15 سنة
مشكلات لا نهائية طوال الـ 15 عام بسبب إدمان الزوج، حاولت سهير مساعدته أكثر من مرة عن التوقف من أجل بيته وأولاده ولكن الأمور كانت تزداد سوءً وتزداد المشكلات بسبب تصرفاته الغير العقلانية، أضافت الزوجة قائلة: "بقالي 15 سنة بحاول معاه إنه يبطل بس برضوا مفيش فايدة فيه بالعكس بيزيد والمشاكل بينتا بتكتر أكتر وأكتر مع الوقت، كنت بصبر وبقول عشان خاطر العيال ولازم استحمل بس تصرفاته اللي بيعملها وتهوره وعقله اللي مبقاش موجود دا خلاص زهقت منه وجبت أخري من ضربه وإهانته ليا".
عايز يقتلني أنا والعيال
أصبح الزوج غير مدرك لأفعاله الذي خرجت عن حدود العقل ووصلت حد محاولة قتل الزوجة والأولاد، تستكمل الزوجة: "بقا مجنون خالص ومش عارة أعيش معاه أنا والعيال، في الأول كانت الحاجات اللي بيشربها مبتأثرش عليه أوي، بس الحاجات اللي طالعة جديدة دي طيرت عقله وخلي، مش عارف هو بيعمل إيه بالذات الآيس دا اللي خلاه عايز يقتلني أنا والعيال ، في يوم كنا نايمين عادي لقيته جايب السكينة منة المطبخ وبيقول لي هقتلك انتي والعيال". لم تصبر الزوجة يوم واحد في منزل الزوجية الذي أصبح أكثر مكان مخيف وغير آمن لها، توجهت على الفور نحو محكمة الأسرة لرفع دعوى خلع لتحافظ على حياتها.