«عايشه مع طور هايج».. أميرة: "بيقلعني هدومي وهو بيضربني عشان مهربش منه"
تساهم المخدرات في خراب الكثير من البيوت والعلاقات الزوجية، وتعتبر "أميرة" من ضحايا محكمة الأسرة التي عاشت معاناة مع زوجها بسبب المخدرات التي جعلته همجي الضرب هو وسيلته الوحيدة في التفاهم، تمادى الضرب وشعرت الزوجة أنه لا يوجد أمان على حياتها وهي تعيش مع مدمن.
"بيضربني ليل ونهار" هذه أولى الكلمات التي بدأت بها اميرة حديثها توي معاناتها مع زوجها مؤكدة على أنه كان رجل صالح في بداية الزواج، وأكملت: "متجوزين جواز صالونات عادي وأنا مكنتش أعرفه خالص قبل الجواز بس كان باين عليه إنه كويس وفعلا كان كويس في الخطوبة وأول الجواز وكل حاجة تمام بس بعد كدا بدأ يتغير معايا خالص وأشوف أسلوب تاني خالص".
"الآيس" بوظ حياتنا
تابعت الزوجة: "كان كويس معيا ومع العيال لحد من كام شعر حياتي كلها اتبدلت بسببه، وبسبب إنه بقا يشرب مخدرات في الأول كان بيشربها كل فترة ومكنتش مأثرة على حياتنا أوي بس بقاله فترة زود في الشرب وبقا يشرب الآيس دا ومن ساعتها وحياتنا بايظة".
خلال فترة قصيرة جدًا تحول الزوج لشخص أخر بسبب معرفته طريق المخدرات ما أدى لنشوب المشكلات ولكن كانت تحاول الزوجة التغاضي عن كل الخلافات من أجل استمرار الحياة، أضافت الزوجة: "ضربني مرة اتنين وكل مرة كنت بسيب البيت وكنت برجع عشان هو بيقول لي خلاص أنا هبطل بس كل مرة كنت برجع فيها كان الموضوع بيزيد وضربه قلة أدبه بتزيد".
بيقلعني الهدوم وهو بيضربني عشان محدش يحوش
تابعت: "وعشان بصوت لما بيضربني والجيران بتتلم، بقى يقلعني هدومي وهو بيضربني عشان محدش يجي يحوش عني ولا أي حد يعرف يدخل وعشان يبقى ضامن إني مش هعرف أخرج من غير هدوم".
استكملت: "كرر الموضوع مرة واتنين وجسمي بقا كله علامات بسبب ضربه ليا، وخفت على العيال منه عشان بقى همجي وعامل زي الطور الهايج محدش بيعرف يسيطر عليه"
أنهت قصتها: "أهلي مكنوش موافقين على الطلاق وعايزين يعملوا قعدة صلح بس أنا عارفة إنها هتفيد بحاجة وأنا جبت أخري خلاص ورفعت قضية طلاق للضرر بسبب جسمي اللي كله بقى معلم بسببه، وعشان خاطر العيال اللي ممكن يتهور ويعمل فيهم حاجة"، رفعت الزوجة الدعوى منذ 3 شهور ولا تزال القضية منظورة في المحكمة.