مروة تستغيث في دعوى خلع : بيستنى أنام عشان يتحرش ببنتي
دعوى خلع واستغاثة أطلقتها مروة التي خطت أقدامها لأول مرة بحثًا عن انصاف القضاء ومحكمة الأسرة لها، بعد أن امتدت يد زوجها إلى جسد ابنتها التي لم تتجاوز الثامنة من عمرها.
مروة تستغيث في دعوى خلع : بيستنى أنام عشان يتحرش ببنتي
تشهد طرقات محكمة الأسرة حكايات وقصص لا يصدقها عقل ولا منطق من بشاعتها منها قصة رجل عديم النخوة والمروءة يتحرش ببناته دون وعي أو إدراك لما يفعله بسبب اتجاهه لطريق المخدرات.
"زهقنا من قرفه" بهذه الكلمات بدأت مروة تروي معاناتها مع زوجها الذي انعدمت داخله كل مشاعر الأبوة والنخوة، مضيفة: "جوزي ما كنش يعرف حاجة عن المخدرات ولا عمره بيسهر على القهوة، وكل حياته للبيت وللشغل".
تابعت مروة في حديثها عن دعوى خلع أقامتها أمام محكمة الأسرة : "بدأ كل دا يتغير من اول ما بدأ يسهر كتير عن القهوة وألاحظ أسلوبه بيتغير معايا وبيتعصب عليا ويضربني حتى لو بنتكلم في حاجة عادية كنت بعدي ومبرضاش أعمل أي مشكلة عشان مكبرش الموضوع".
لم تعرف الزوجة سبب تغير زوجها في المعاملة فكانت لا تجعل الأمور تتصاعد حفاظًا على بيتها ولكنها اكتشفت شئ لم تتوقعه ما دفعها ترفع دعوى خلع دون التفكير.
تابعت: "كنت بعديله كتير لما بيضربني عشان مش عايزة يحصل مشاكل بس في يوم لقيت بنتي اللي عندها 8 سنين وقالت لي إنه بيلمسها في أماكن غريبة، أنا مصدقتهاش وقلت هي صغيرة ومش فاهمة حاجة"
أضافت: "في يوم بليل لقيته بيتسحب وخارج من أوضة النوم مشيت وراه لقيته دخل أوضة البنات وراح على بنتي وبقا يتحرش بيها، مقدرتش استحمل وصرخت في وشه وقعدت اضرب فيه وخدت بناتي الاتنين ومشيت من البيت "
انهت مروة حديثها وهي منفعلة: روحت عند أهلي وطلبت منه الطلاق وهو قالي مفيش طلاق، روحت رفعت قضية خلع بقالي ٧ شهور عليه عشان أحافظ على بناتي" ولا تزال القضية منظورة حتى الآن.