أخبار محكمة الأسرة
معاه فلوس ومسودها علينا.. هيام تطلب الطلاق: عايش على قفايا وبيقبض خمسين ألف في الشهر
معاناة في عش الزوجية مع رجل لا يريد الإنفاق على بيته وأولاده، صبرت هيام على هذه ظروف زوجها ولكن ما جعلها تقصد محكمة الأسرة هو اكتشافها لحقيقة زوجها الذي يصل راتبه الشهري لخمسين ألف جنيه.
قصص محكمة الأسرة.. طلع معاه فلوس ألوفات ومسودها علينا
"طلع معاه ألوفات ومسودها معايا أنا والعيال"، بهذه الكلمات بدأت هيام حكاياتها للقاضي مبررة وجودها في محكة الأسرة من أجل طلب الطلاق بعد سنوات عاشتها مع زوجها البخيل، استكملت بقولها: "مضيقها عليا أنا والعيال من ساعة ما اتجوزنا وكل ما أطلب منه فلوس يقول لي مش معايا، كنت بقول معلش يمكن مش معاه فعلا بس فضلنا على الحال دا لأكتر من 12 سنة، وبدأت الخناقات تزيد بينا بسب المصاريف".
حكايات محكمة الأسرة.. وطلع بيقبض بالخمسين ألف جنيه في الشهر
فوجئت هيام بحقيقة زوجها الذي يصل مرتبه الشهري لخمسين ألف جنيه وعلى الجانب الأخر مدعى أنه مرتبه لا يتجاوز الأربع ألاف، أكملت حكاياتها: "كان شغال في شركة مقاولات وبيسافر ليبيا والسعودية وقطر ومفهمني إنه بيقبض 4 ألاف جنيه وكان كل شوية يستلف مني ويقول لي شوفيلي حد من أهلك أو من صحابك يسلفنا، وكنت بسمع كلامه وبستلف من دا ومن دا عشان اكفي البيت دا غير مرتبي اللي كان بياخده مني عشن يصرف منه على البيت"، تابعت: "اختفي من البيت بقاله كام يوم وكلمت صاحبه عشان أسال عليه قال لي انا معرفش هو فين، ولما قلت له طب أنا عايزة فلوس عشان امش بيها البيت قال لي ليه ما محمد بيقبض كويس، قلت له لا دا مفهمني إنه بيقبض 4 ألاف جنيه بس".
دعاوي محكمة الأسرة.. هيام في دعوى طلاق
بعد ما علمت هيام بحقيقة زوجها وإخفاءه أموالها من أجل عم الإنفاق عليها هي والأولاد قررت اللجوء إلى محكمة الأسرة ورفع دعوى طلاق، أنهت الزوجة حكاياتها قائلة: "لما رجع البيت وعرفته إني عرفت إنه معاه فلوس ضربني ساعتها وحصلت خناقة كبيرة بينا، وسبت البيت وطلبت منه الطلاق مرضاش يطلق رحت رفعت عليه قضية طلاق بقالي 6 شهور".
تابع أحدث الأخبار عبر
