أخبار محكمة الأسرة
«حياتنا دمرتها خطافة الرجالة».. أميرة تطلب الخلع: كنا كويسين لحد ما ضرتي شرفت
تشاجر مستمر دام لأكثر من 7 سنوات بسبب تغير الزوج معها؛ وذلك من أجل الاهتمام ببيته الثاني دون الالتفات لبيته الأول وأولاده، جعل أميرة تتجه إلى محكمة الأسرة لرفع دعوى خلع.
حكايات محكمة الأسرة.. سابني وراح اتجوز
"سايبني انا والعيال وراح اتجوز" كانت هذه العبارة الأولى في حكاية أميرة التي استهلتها لقاضي محكمة الأسرة مضيفة: "قرر إنه يسيب بيته وعياله ويرح يتجوز، مش فارق معاه عياله وراميهم عشان يتجوز تاني، باصص لمزاجه ومش مهم أي حاجة تاني".
قصص محكمة الأسرة.. كان معيشني أحلى عيشة
استرجعت الزوجة حياتها في بداية الزواج مؤكدة أنها حظيت بفترة من السعادة والحب مع زوجها ولكن لم تستمر هذه الحياة الجميلة لأكثر من 3 سنوات ليتبدل كل شيء، تابعت: "حياتنا كانت ماشية كويس في أول الجواز ومكنش مخليني محتاجة أي حاجة خالص، وبيتعامل معايا بما يرضي الله، وحتى لمما خلفت ابني الأول كان كويس معايا وبيحب ابنه أوي".
روايات محكمة الأسرة.. مش همه عياله
كانت محكمة الأسرة الشاهد على إنهاء علاقة زواجهما بعد ما لاحظت تغير الزوج معه بمجرد زواجه، وبعد ما تفاقمت المشكلات لم تتحمل أميرة الاستمرار أكثر من ذلك، وتوجهت إلى محكمة الأسرة ورفع دعوى خلع.
أضافت لقاضي قائلة: “بعد ما كانت الدنيا كويسه لقيته بيقولي أنا رايح اتجوز، مكنتش مصدقاه في الأول بس فعلا عملها في تالت سنة، فكرت في الطلاق بس قلت بلاش أخرب بيتي وأكمل يمكن يفضل محافظ على البيت والعيال، بس من ساعة ما اتجوز التانية وهو اتغير معايا خالص، وبقى كل حاجة يعملها للبيت التاني، وسايبني أنا والعيال ميعرفش عننا أي حاجة، 7 سنين على دا الحال وهو برضو مش همه أي حاجة غير بيته التاني”.
تابع أحدث الأخبار عبر
