أخبار محكمة الأسرة
دعاوى محكمة الأسرة.. نوال تطلب الطلاق: اترمينا في الشارع بسببه
رضيت نوال بنصيبها الذي أوقعها في رجل مدمن، يهتم بتوفير المخدرات لإشباع رغباته الخاصة دون مراعاة أولاه وزوجته، لينتهي بها الحال في الشارع بعد ما طردها الزوج بسبب رفض سداد إيجار الشقة، لتقرر بعد ذلك قصد محكمة الأسرة ورفع دعوى طلاق.
محكمة الأسرة.. أنا اللي شايلة البيت بقالي 15 سنة
بعد ما تحملت نوال سنوات طويلة من المعاناة مع زوجها، وتحمل مسئولية المنزل والأطفال والعمل بينما هو يستمتع بالجلوس في البيت، لم تجد أمامها سبيلا غير اللجوء لمحكمة الأسرة، وروت نوال حكاياتها لـ "الحادثة" مبرر وجودها في محكمة الأسرة وإقامتها لدعوى الطلاق قائلة: «بقالي 15 سنة في عذاب معاه أنا والعيال، عشان مبيصرفش علينا دا غير طريق المخدرات اللي ماشي فيه ومش فارق معاه العيال ولا البيت، رضيت بنصيبي وقلت مش مهم أنا خدت نصيبي في الجواز وهحاول أصلح الدنيا، ونزلت أنا الشغل عشان أصرف على العيال».
مبيصرفش على البيت عشان
استمر هذا الحال فترة طويلة وهي تحاول بشتى الطرق الحفاظ على المنزل ولكن لم يحدث أي تغير إلا للأسوأ بسبب تمادى الزوج في تعاطيه للمخدرات، تابعت الزوجة رواياتها: "كنت بحاول امشي الدنيا، واحافظ على البيت عشان ميتخربش بس هو مكانش فارق معاه أي حاجة، مكنش مركز غير في الشرب وبس ومضيع كل فلوسه عليه ولو جيت أطلب منه أي فلوس مبيرضاش يديني ولا جنيه".
روايات محكمة الأسرة.. اتطردنا في الشارع بسببه
تدهورت حياتهما بسبب رفض الزوج سداد الإيجار، ما جعلها تفكر في رفع دعوى طلاق بعد 15 عامًا من المعاناة التي تحملتها مع زوجها، أنهت حديثها بقولها: "كنت انا اللي بصرف من شغلي على البيت لوحدي، والإيجار كان هو أوقات بيدفعه، بس بقاله كذا شهر مدفعش الإيجار وصاحب الشقة كل شوية يطلب مننا الفلوس وهو مش راضي يدفع عشان طبعًا مضيع كل فلوسه على القرف اللي بيشربه دا".
تابع أحدث الأخبار عبر
