أخبار محكمة الأسرة
بيتهمني بخراب البيت.. فرح تتهم زوجها بالبخل وتطالب بالخلع
رفعت «فرح» دعوى خلع ثانية على زوجها في محكمة الأسرة، بعدما تنازلت عن دعوى أولى كانت قد رفعتها ضده بسبب عدم إنفاقه عليها ومعاملتها بشكل غير آدمي، لتعود مرة أخرى لمحكمة الأسرة لتنهي حياتها معه بعدما اكتشفت أنه لن ينصلح حاله.
قصص محكمة الأسرة.. أنا وجوزي كنا جيران
قالت «فرح» في بداية حديثها: «أنا متجوزة من 10 سنين، خلفت من جوزي ولد وبنت، أنا كنت عارفاه قبل الجواز كان جاري وكان شخص كويس جدا ومفيش منه مشاكل، وأنا كنت بحبه وهو كان كويس معايا لما اتقدم وأول الجواز».
دعاوى محكمة الأسرة.. لما اطلب منه مصاريف يضربني
أكملت الزوجة حديثها وقالت: «حصل بينا مشاكل كتير بعد الخلفة بسبب المصاريف والمسؤولية، بس كنا زي اي بيت عادي، لكن هو بعد كدة لما زهق من الزن والمسؤولية زادت عليه بقى مش عاجبه حاجة ومش عايز يصرف على حد ولما اكلب منه مصاريف يتخانق ويضربني ويقولي ده اللي عندي».
حكايات محكمة الأسرة..رفعت عليه أول قضية خلع
تابعت «فرح» حديثها قائلة: «لحد ما تعبت منه وسيبته أول مرة ورحت عند أهلي وهو مسالش فيا لما مشيت، رفعت وقتها عليه قضية خلع عشان اخلص منه وكنت هرفع قضايا نفقة، بعد لما عرف اني رفعت عليه قضية اتحايل عليا اتنازل عن القضايا وارجعله وانه هيتغير، صدقه وقتها ورجعت عشان خاطر العيال».
قضايا محكمة الأسرة.. مبيسألش على ولاده
أنهت «فرح» حديثها قائلة: «قعدت معاه 3 سنين في الأول اتعدل، بس بعد كدة لقيت أنه متغيرش و أن الحياة معاه كلها ضغوط، عنده استعداد يعمل أي حاجة عشان محدش ياخد منه فلوس ويطلع مظلوم، مبقاش يضربني زي الأول بس لسه مبيصرفش ومبهدلني أنا وعياله، سيبته تاني والمرة دي مش هينفع ارجع تاني، وجيت عشان ارفع قضية الخلع تاني بعدما تنازلت أول مرة، والمرة دي مش هامه وبيقول إني بفتري عليه وعايزة اخرب بيتنا وهو اللي مبيسألش على ولاده حتى بالتليفون».
تابع أحدث الأخبار عبر
