أخبار محكمة الأسرة اليوم
«رموني في الشارع في عز تعبي».. آمال تستغيث بمحكمة الأسرة ضد زوجها وأبنائها
دعوى نفقة رفعتها «آمال» على زوجها الذي رفض أن يطلقها ولكن تركها بعد مرضها وتخلى عنها بعد وقوفها بجانبه لسنين عديدة وتحملها لظروفه الصعبة، ولكن ما وجدته منه هو الغدر والقسوة عندما أصابها المرض لم تجد بجانبها مثلما كانت دائما بجانبه، وحاول أن يبعد عنها أبنائها، مما جعلها ترفع عليه قضايا في محكمة الأسرة.
قصص محكمة الأسرة.. رموني في الشارع في عز تعبي
قالت «آمال» في بداية حديثها: «أنا اتجوزت جواز صالونات من 18 سنة خلفت من جوزي ولد وبنت، جوزي لما اتقدملي كان موظف غلبان على قده ومرتبه يدوبك ميفتحس بيت بس أنا وافقت عليه واتجوزته ومكنش فيه بينا مشاكل في الأول على المصاريف الدنيا كانت ماشية ومكفي مصاريفي أنا وهو لكن بعد الخلفة المسؤولية زادت».
دعاوي محكمة الأسرة.. نزلت اشتغل عشان أساعده
أكملت حديثها وقالت: «بعد الخلفة المصاريف كانت زيادة عليه، كنا مش لاقيين نأكل العيال أهلي وأهله هما اللي ساعدونا،لما لقيت الدنيا كدة نزلت واشتغلت عشان أساعده في مصاريف البيت ومصاريف الولاد، وكنت بساعده وأعمل جمعيات وأسرف على البيت وعمري ما اشتكيت ولا قلت حاجة، وساعدته إنه يلاقي شغل جديد ويبقى معاه فلوس».
حكايات محكمة الأسرة..سابلي البيت عشان تعبانة
تابعت «آمال» حديثها قائلة: «لحد من سنتين كدة تعبت جدًا ومبقتش أقدر أنزل اشتغل، ومن ساعة ما تعبت وبقيت محتجة فلوس ورعاية أتغير وبقى واحد تاني، على طول قاعد برة البيت وعلى طول بيتخانق معايا ومع الولاد لحد ما ساب البيت خالص، في الأول معرفتش هو راح فين بعد كدة عرفت إنه خد شقة برة وعايش فيها، ولما كلمته عشان يرجع قالي مش هيرجع و أشوفلي حد يصرف عليا وعلى علاجي ».
قضايا محكمة الأسرة.. بيقول لولادي أرموا أمكم في الشارع
أنهت «آمال» حديثها قائلة: «بقى حتى ولاده مبيصرفش عليهم بعد ما كان بيقول لو معايا جنيه ولادي أولى بيه، ولما الولاد بيكلموه عشان يديهم مصاريفهم يقولهم تعالوا عندي وسيبوها تترمي في الشارع بعد ما رماهم قالهم لو عايزين اصرف عليكم سيبوها وهما اللي رفضوا يروحوا معاه لانهم عارفين عمايله وعارفين انه مش هيصرف، أنا محتجتش فلوس منه غير في أخر فترة بس وهو مستحملش حتى فلوس الكشف مش راضي يدفعها بقى يقول للصيدلي متديهمش علاج، لحد ما جيت أرفع عليه قضايا نفقة لأنه رافض يطلق عشان مخدش منه حاجة».
تابع أحدث الأخبار عبر
