أخبارمحكمة الأسرة اليوم
سارة تطلب الطلاق.. راحت تولد عند أمها فخانها على فراش الزوجية
رفعت «سارة» دعوى خلع ونفقة على زوجها بعد اكتشافها خيانته، وممارسته الرذيلة مع سيدات على فراش الزوجية، مستغلا غيابها عن المنزل أثناء فترة حملها، ولم تجد أمامها سوى أن تتوجه لمحكمة الأسرة لتحصل على حريتها وحقوقها.
قصص محكمة الأسرة.. الدنيا مأزمة بسبب المصاريف
قالت «سارة» في بداية حديثها: «أنا متجوزة بقالي 4 سنين اتعرفت على جوزي عن طريق ناس صحابي وصحابه، حبينا بعض واتقدملي واتجوزنا، وقت الخطوبة والجواز الدنيا كانت مأزمة معانا بسبب المصاريف بس قتها كل حاجة كانت كويسة ومفيش مشاكل».
دعاوي محكمة الأسرة..مشاكلنا عادية
أكملت الزوجة حديثها وقالت: «بعد الجواز في أول سنة مكنش فيه بينا مشاكل وحتى لو فيه كانت صغيرة وبنحلها بينا وبين بعض وكله قالي ده طبيعي في أول الجواز، بس بعد كدة بقت أكبر مشكلة بالنسبالنا الخلفة وأنها أتأخرت».
حكايات محكمة الأسرة.. مبيسألش علينا
تابعت «سهر» حديثها قائلة: «لحد ما ربنا كرمني وحملت في بنتي وكنا فرحانين جدا وقتها، هو زعل في الأول عشان حامل في بنت بدل ولد بس بعد كدة مقالش حاجة، بعد 9 شهور الحمل رحت قعدت مع والدتي فترة الولادة زي أي واحدة عشان تاخد يالها مني ومن بنتي، وقتها جوزي مكنش بيسأل علينا خالص يجي يزورنا يجيب فلوس ويمشي بسرعة، ولما أسأله يقولي عنده شغل كتير».
جاب ستات البيت وأنا مش موجودة
أنهت «سهر» حديثها قائلة: «لحد ما رجعت بيتي بعد الولادة واتصدمت باللي لقيته هناك، كنت راجعة وجوزي ميعرفش اني هرجع في اليوم ده، لما دخلت بيتي لقيته كله هدوم ستات معرفهاش وتوك شعر والبيت مبهدل، عرفت وقتها انه بيخوني ولما واجهته أنكر وقال انها هدوم ست كان جايبها تنضف البيت، وحاول يرجعني ولما رفضت ارجعله مسألش فيا تاني لا أنا ولا بنته، حاولت ارجعله عشان بنتي بس مقدرتش بسبب اللي شفته وجيت محكمة الأسرة ارفع عليه قضية خلع ونفقة عشان أخلص منه واخد حق بنتي».
تابع أحدث الأخبار عبر
