أخبار محكمة الأسرة
هادية لـ محكمة الأسرة : شفت مع جوزي أسود 3 سنين في حياتي
دعوى خلع في محكمة الأسرة كانت نهاية هادية الفتاة التي مازالت في أول عشريناتها وأكل ما أرادته في حياتها أن تدخل القفص الذهبي وعيش حياة مستقلة مع زوجها الذي ظنت أنه من ستبني معه حياتها ، ولم تتوقع أبدا أن يكون هو سبب حزنها وشقائها في الدنيا ، وستهرب منه حتى تستطيع أن تكمل حياتها في سلام.
هادية لـ محكمة الأسرة : شفت مع جوزي أسود 3 سنين في حياتي
قصص محكمة الأسرة..اتجوزت صغيرة بسبب أهلي
قالت «هادية» في بداية حديثها: «أنا متجوزة بقالي 3 سنين اتجوزت وأنا عندي 19 سنة وده عادي عندنا في البلد، جوزي اتقدملي وانا لسه صغيرة ومعرفش حاجة في الدنيا وأهلي وافقوا عليه عشان كان يبان عليه إنه كويس ومش بتاع مشاكل وأهله ناس كويسين، فعلا اتجوزنا وخلفت منه ولد واحد بس والحمدلله إني مخلفتش أكتر من كدة».
دعاوي محكمة الأسرة..عايز يقعد في البيت وميشتغلش
أكملت «هادية» حديثها وقالت: «اتجوزت في بيت عيلة زي كل البنات في بلدنا، من اول جوازي والوش الحقيقي بان، كان ملوش في المسؤولية ولا بيحب يشتغل عايز يعد في البيت، لبعد ما خلفت بفترة اترفد من شغله اللي كان المفروض شايلنا ومن ساعتها وهو مش راضي يدور على شغل تاني عشان ميتعبش نفسه ».
حكايات محكمة الأسرة.. بيضربني عشان مش بنزل لأمه بدري
تابعت «هادية» حديثها قائلة: «مبيصرفش من زمان وأنا استحملته وعيشت كان أبويا اللي بيصرف علينا وأمه اللي بتأكلنا ، مشوفتش منه حاجة كويسة ابدا بهدلني معاه كان بيضربني، لحد ما حياتي بقت جحيم بسببه ، اخر مرة ضربني كان هيموتني عشان بسهر بابني ومبنزلش لأمه بدري ، رحت واخدة ابني ورحت عند أهلي وفضلت غضبانة سنة».
قضايا محكمة الأسرة.. رجعني عشان يبيعني دهبي
أنهت «هادية» حديثها قائلة: «في السنة دي حاول يرجعني ورجعت لما جاب أهله وقال إنه اتغير ولقى شغل على عربية وهيشتغل ويبقى كويس، ورجعت 12 يوم بس، في الفترة دي بيعني دهبي بحجة انه عايز فلوس للعربية وهيردهالي ، وبعد كدة طردني مع أول مشكلة حصلت بينا، ومن ساعتها مسالش فيا ولا في ابنه، رفع بس قضية وأنا أصلا ممنعتوش إنه يشوفه بس هو عمل كدة عشان رفعت عليه قضية الخلع ».
تابع أحدث الأخبار عبر
