أخبار محكمة الأسرة
حكايات محكمة الأسرة.. سحر: حياتنا اتشقلبت من ساعة ما عرف طريق المخدرات
دعوى خلع أقامتها سحر في محكمة الأسرة بعدما أهدرت حياتها مع رجل لا يعرف المعنى الحقيقي لتحمل المسئولية، وكان هذا السبب الأساسي في تصاعد المشكلات بينهما خصوصًا بعد ما سرق الزوج أموالها الخاصة من أجل الإنفاق على كيفه.
محكمة الأسرة.. سحر: لو مخدش الفلوس مني بالزوق بياخدها بالعافية
تستهل رواياتها لقاضي محكمة الأسرة مؤكدة أن حياتها في بداية الزواج كانت مثالية بمعني الكلمة ولكن كل هذا التغير ظهر بعد ما التفت الزوج لطريق المخدرات، تابعت: "حياتنا كانت كويسة جدًا بس من قبل ما يعرف طريق المخدرات والإدمان، كل حاجة اتغيرت من ساعة ما عرف طريق اللي بيروح فيه ومبيرجعش وحياتنا اتشقلبت بسبب إنه مبقاش في وعيه ومعاملته اتغيرت معايا أنا والعيال".
قصص محكمة الأسرة.. كبرت دماغي كتير وبرضو مفيش فايدة
تغاضت سحر عن مشكلات كثيرة خاصة بإدمان الزوج على أمل إصلاح الأوضاع ورجوع حياتها المستقرة ولكن كانت الأحوال تزداد سوءً ما جعلها تفكر في أمر الانفصال الحتمي وقصد محكمة الأسرة، تستكمل سحر حكاياتها لقاضي محكمة الأسرة قائلة: “صبرت كتير عشان الدنيا متكبرش ومعملش مشاكل وانا قلت شوية وهيتعدل بس مفيش فايدة فيه خالص وبدل ما يتعدل يركز مع عياله بيزيد في القرف اللي بيشره دا ومضيع فبوسه وفلوسي عليه”.
روايات محكمة الأسرة.. لو مدتهوش الفلوس بالزوق بياخدها مني بالعافية
أصبحت سحر هي المسئولة عن المنزل من جميع الجهات، لم يقدر الزوج هذا وبدلا من أن يتراجع عن طريقه المظلم سرق أموالها الخاصة من أجل الإنفاق على كيفه ومزاجه، تابعت: "سكت كتير عشان أحافظ على البيت بس هو برضو مش مقدر، وكمان بقا ياخد الفلوس اللي بصرف بيها على البيت والعيال عشان مزاجه، ولو مديتهوش بمزاجي بيسرق الفلوس غصب عني"، كانت دعوى الخلع هي الوسيلة الأخيرة التي قصدتها سحر لكي تنقذ نفسها من حياتها التعيسة معه.
تابع أحدث الأخبار عبر
