أخبار محكمة الأسرة
الغيرة دمرت حياتنا.. أحمد لـ محكمة الأسرة.. أحمد: عايزة تضربني من كتر الشك
10 سنوات بالتمام والكمال قضاها أحمد في حياة سعيدة مع زوجته، لكن انقلبت حياتهما رأسًا على عقب في غمضة عين بعدما حاوطت الشكوك الزوجة وبدأت في افتعال المشكلات اليومية على هذا الأساس، حتى تطرق الأمر إلى دعوى خلع في محكمة الأسرة أقامتها الزوجة ضده بعد خلافات استمرت لفترة طويلة.
حكايات محكمة الأسرة.. حياتنا اتشقلبت من ساعة ما الشك دخل بينا
استهل أحمد حديثه لقاضي محكمة الأسرة والحسرة تعتريه بسبب حياته التي نالها الخراب فجأة بسبب تصرفات الزوجة، تابع: "بقالنا 10 سنين مع بعض وحياتنا كويسة جدًا بس كل حاجة اتغيرت فجأة وبقت على طول شاكة فيا ومش عارف أعيش براحتي ولا اتصرف بطبيعتي بسبب طريقتها معايا وشكها فيا، ومن ساعتها والمشاكل بينا مبقتش بتهدأ خالص بسبب الموضوع دا".
قصص محكمة الأسرة.. كل شوية خناقات بسبب شكها فيا
حاول الزوج تهدئة الأوضاع مرات عديدة من أجل الحفاظ على حياتهما، ولكن تصرفات الزوجة كانت السبب الرئيسي في افتعال الخلافات بينهما، استكمل أحمد رواياته: "كل ما تشوفني بتكلم في التليفون تقولي بتكلم مين وتفتحلي تحقيق، وتعمل خناقة من مفيش وكل مرة أنا احاول اعديها عشان احافظ على البيت والعيال بس هي مكنتش بترعي دا وكل شوية خناقات عمال على بطال".
روايات محكمة الأسرة.. عايزة تمد إيدها عليا
تغاضى أحمد كتيرًا عن انفعالات الزوجة من أجل الاستمرار في حياتهما والحفاظ عليها ولكن الزوجة أدت لتفاقم المشكلات والخلافات بسبب تهورها، أنهى الزوج حكاياته قائلا: "عديتلها كتير عشان خاطر البيت بس أخر مرة لقيتها مقابلاني في الشارع وعايزة تمد إيدها عليا، رحت اديتها بونية خدت فيها 8 غرز، سابت البيت طبعًا وبعدها رفعت عليا قضيتين نفقة وخلع، في الأول رفعت طلاق للضرر بس اترفض وعملت استئناف واترفض برضو والخلع في الأخر اتقبل وخلاص كسبت، وأنا جاي دلوقتي عشان اقدم ورق الخلع عشان ميبقاش ليها حق في النفقة الزوجبة".
تابع أحدث الأخبار عبر
