أخبار محكمة الأسرة
أمير لـ محكمة الأسرة : رميتها عند أهلها عشان تتعدل بهدلتني في المحاكم
كان أمير في محكمة الأسرة مجبر بسبب أفعال زوجته التي لم تكن خير الزوجة ، ولم تصبر على زوجها أو على ظروفه الصعبة ، وتوجهت للمحاكم بدلا من أن تحل المشاكل بشكل ودي من اجل ابنهم الذي لا ذنب له في الدنيا، تملك العند من الزوجين وجعل مصيرهم محكمة الأسرة لرفضهم حل مشاكلهم بشكل ودي بينهم وحتى أهلها رفضوا أن يكونوا صوت العقل والخبرة ونصيحتها بل زادوا من المشكلة وكانوا سبب أكبر في الخلاف.
قصص محكمة الأسرة.. وثقت في مراتي وأهلها وقلت ناس محترمة
قال «أمير» في بداية حديثه: «أنا اتجوزت من ٢٠١٥، أنا ومراتي اتعرفنا على بعض كنا جيران وكنت أنا وأهلي عارفين أهلها ووثقت فيها ، وقلت هتبقى بنت ناس وكويسة وتصون بيتها وولادها، بالذات لأني مسمعتش أي حاجة وحشة عنها أو أهلها طول السنين اللي عرفناهم فيها دي «.
حكايات محكمة الأسرة.. أهلها بيحرضوها أنها تعمل معايا مشاكل
تابع «أمير» حديثه قائلا: «الحياة في الأول كانت تمام وهي وأهلها بانوا ناس كويسة ومفيش منهم مشاكل لكن كل ده كان مش بجد ومش حقيقي، للأسف وشها الحقيقي مبانش غير بعد ما خلفت ابني، الحياة معاها بقت صعبة وكلها مشاكل ونكد وهما كانوا بيحرضوها عليا أنها تعمل معايا مشاكل».
دعاوي محكمة الأسرة.. سيبتها عند أهلها تتربى
أضاف الزوج لكلامه: «المشاكل معاها كانت على كل حاجة بسبب ومن غير سبب، اخر مرة كنت راجع من الشغل تعبان عملت معايا مشكلة وصممت انها تسيب الييت وامشي ومش فاكر سببها حتى، وفعلا خدت ابني ومشيت، سيبتها عند أهلها ٣ شهور وقلت خليها تتعلم الأدب ومكنتش ناوي ارجعها ومسالتش فيها لحد ما ابني وحشني، رحتلها انا واهلي وعاملونا وحش هي وأهلها، وطردونا وقالوا هي خلاص مش عايزة ترجع تاني».
قضايا محكمة الأسرة.. رافع قضية رؤية عشان أقدر أشوف ابني
أنهى «أمير» حديثه قائلا: «بعد فترة اكتشفت انها رافعة عليا قضية خلع ونفقة، لما عرفت اتصدمت متوقعتش انها توصل للمحاكم فجيت عشان ارفع قضية رؤية واعرف اشوف ابني اللي معاها وهي مانعاني هي وأهلها أني اشوفه واربيه».
