محكمة الأسرة اليوم
"حالف عليا بالطلاق".. مريم: محرم عليا أهلي ييجولي البيت
دعوى طلاق أقامتها مريم سريعًا في محكمة الأسرة بعد السنة الثانية من الزواج بسبب المشكلات التي يفتعلها الزوج دون أي سبب واضح، ومنها منع أهلها من زيارتها، وكان هذا السبب الرئيسي لقصدها محكمة الأسرة من أجل الطلاق.
محكمة الأسرة وراياتها.. اتغير بعد الجواز
أكدت مريم في بداية حديثها لقاضي محكمة الأسرة أن فترة الخطوبة كانت الأمور تسير دون أي مشكلات وكانت فترة مستقرة، ظنت أن الحياة الزوجية تنعم بالاستقرار ذاته تتفاجأ بشخص آخر معها في عش الزوجية، وقالت الزوجة: "كان بيحب أهلي في الخطوبة وبيعتبرهم زي أهله، ودي من الحاجات اللي كانت مخلياني مبسوطة، كت فاكرة الدنيا بعد الجواز برضو هتكون هادية بس كنت غلطانة عشان لقيت حد تاني معايا غير اللي انا عارفاه".
قصص محكمة الأسرة.. مش طايق أهلي وحالف عليا بالطلاق
فوجئت مريم بالشخصية الجديدة التي ظهر بها الزوج في الشهور الأولى من الزواج، وبدأت المشكلات تحاصر عش الزوجية من جميع الجهات بسبب تصرفات الزوج، وتستكمل الزوجة لقاضي محكمة الأسرة: "اتغير معايا في المعاملة بعد الجواز، وبقى على طول عصبي وبيتلكك معايا عشان يتخانق على أي حاجة، واللي زود المشاكل إنه مانع أهلي ييجوا يزوروني، اتخانقت معاه كتير بسبب الموضوع ده، وحاولت أقنعه إنهم ييجولي البيت راح حالف عليا بالطلاق".
دعاوي محكمة الأسرة.. مريم في دعوى طلاق
قررت مريم اللجوء إلى محكمة الأسرة ورفع دعوى طلاق بعد ما تفاقمت المشكلات بينهما؛ بسبب إصرار الزوج على قرار عدم زيارة أهلها لها، لتنهي المدعية قصتها قائلة: "مش عارفة أتأقلم معاه على الوضع اللي هو حاططني فيه، سبت له البيت وطلبت الطلاق في تاني سنة، بس هو مش راضي يطلق عشان كده رفعت عليه قضية طلاق".
تابع أحدث الأخبار عبر
